Չինաստանի Հենան նահանգի Ցզյաոցզո քաղաքի ժողովրդական դատարանը մահապատժի է դատապարտել մանկապարտեզի դաստիաչակչուհուն` երեխաների թունավորման համար, հայտնում է «ՌԻԱ Նովոստի»-ն: h
Ամբաստանյալ Վանգ Յունն աշխատում էր «Մենմեն» մանկապարտեզում, երբ նրա մոտ կոնֆլիկտ էր առաջացել Սուն անունով ուսուցիչներից մեկի: Կինը որոշել էր պարզել հաշիվներն իր գործընկերոջ հետ եւ 2019 թվականի մարտի 27-ի առավոտյան նատրիումի նիտրիտ էր լցրել Սունի խմբի երեխաների շիլայի մեջ, արդյունքում 25 երեխա էր հոսպիտալացվել թունավորմամբ, նրանցից մեկը մահացել էր հիվանդանոցում:
Հետաքննությունը պարզել էր նաեը, որ սա առաջին դեպքը չէր, երբ Վան Յուն նատրիումի նիտրիտ էր օգտագործել` անձնական խնդիրները լուծելու համար: 2017-ին կինն ամուսնու հետ կոնֆլիկտ էր ունեցել կենցաղային խնդիրների պատճառով, եւ վրեժ լուծելու համար Վան Յունը 2017-ի փետրվարին համացանցով նատրիումի նիտրիտ էր գնել եւ ավելացրել էր այն ամուսնու բաժակի մեջ, ինչը հանգեցրել էր ամուսնու թունավորմանը, սակայն լուրջ հետեւանքներ չէր առաջացրել նրա օրգանիզմի համար:
Դատարանը նշել էր, որ կինը հիանալի գիտեր, որ նատրիումի նիտրիտը կարող է վտանգավոր լինել մարդկանց համար, սակայն երկու անգամ օգտագործել էր այն` անձնական հաշիվները մաքրելու համար: Զույցում նշվում է, որ Վան Յունը լավ գիտեր, որ բազմաթիվ երեխաներ կուտեն իր թունավորած շիլան, սակայն դա նրան չէր խանգարել:
Դատարանը նաեւ շեշտել է, որ Վան Յունի հանցավոր դրդապատճառները «զարհուրելի» են` ճիշտ այնպես, ինչպես հանցագործություն կատարելու ձեւը, որը լուրջ հետեւանքների էր հանգեցրել, եւ նա պետք է խստորեն պատժվի օրենքով սահմանված կարգով: