Դեռ սեպտեմբերի 7-ին Ադրբեջանի նախագահի օգնականը մեկնեց Թուրքիա, որտեղ ընդհանուր տեղեկատվական հարթակ էր բաց, որի շրջանակում Անկարան պետք է տեղեկատվական աջակցություն ցուցաբերեր Բաքվին: Դա եւս մեկ անգամ վկայում է այն մասին, որ Ադրբեջանի եւ Թուրքիայի ռազմական գործողությունները ծրագրված էին վաղուց: Այս մասին լրագրողների հետ զրույցում ասաց Ադրբեջանի հարցերով փորձագետ Արմինե Ադիբեկյանը:
«Հաշվի առնելով այն, որ Ադրբեջանն արդեն 48 ժամ չի կարողանում հաջողություններ ֆիքսել, Անկարան կարող է նաեւ ռազմական օգնություն ցուցաբերել, ինչի մասին խոսել է Էրդողանը: Բաքուն, հավանաբար, ձգտում է մարտական գործողությունները տեղափոխել Հայաստան՝ հույս ունենալով սպառել հայկական կողմի պաշտպանական հնարավորությունները, սակայն Ադրբեջանի համար դա կարող է անկանխատեսելի հետեւանքներ ունենալ»,-հավելել է նա:
Փորձագետը հիշեցրել է խոսքերը, որոնք 2016 թվականի ապրիլյան իրադարձություններից հետո հնչեցրել է Յուրի Խաչատուրովը այն մասին, որ հակռակարդը ստացած հարվածից կարող է ուշքի գալ միայն 5 տարի անց:
«Ալիեւը համարել է, թե Ադրբեջանը վերականգնվել է: Բացի այդ, միջազգային իրավիճակն ու Էրդողանի աջակցությունը, ըստնրա, հավելյալ պայմաններ են ստեղծում»,-եզրափակել է Ադիբեկյանը: