Գրոսմայստեր Վիգեն Միրումյանի հաղթանակով ավարտվեց Չեխիայի Օրլովա քաղաքում անցկացված կայծակնային մրցաշարը, որին մասնակցում էին 33 շախմատիստներ: Միրումյանը 11 հնարավորից վաստակեց 10 միավոր եւ մեկ միավորով առաջ անցավ մոտակա մրցակցից` գրոսմայստեր Ալեքսեյ Կիսլինսկիից (Ուկրաինա):
Գրոսմայստեր Տիգրան Քոթանջյանը Բեյրութում անցկացված մրցաշարում 9 հնարավորից վաստակեց 7 միավոր եւ 68 մասնակիցների մեջ նվաճեց երկրորդ մրցանակը: Քոթանջյանը միայն կես միավորով ետ մնաց հաղթողից` գրոսմայստեր Ալեքսեյ Բարսովից (Ուզբեկստան):
Մրցաշարին մասնակցում էին նաեւ մի քանի սփյուռքահայ շախմատիստներ: Րաֆֆի Ճիգիրյանը (Պաղեստին) վաստակեց 5,5, Ժիրայր Օգնայանը (Լիբանան)` 5, Դանիել Պետրոսյանը (Լիբանան)` 3,5, Հրակ Գլըպոզյանը (Լիբանան)` 2,5 միավոր, հաղորդում է Armchess.am-ը: