News
Լրահոս
News
Երեքշաբթի
Հոկտեմբեր 27
USD
493.24
EUR
582.42
RUB
6.45
ME-USD
0.01
Տեսնել լրահոսը

Թուրքիայի բացահայտ աջակցությամբ Արցախի (Լեռնային Ղարաբաղ) և Հայաստանի դեմ սանձազերծված պատերազմի հինգերորդ օրը՝ հոկտեմբերի 1-ին, Արցախում ադրբեջանական զինված ուժերը թիրախավորել են իրենց մասնագիտական պարտականություններն իրականացնող լրագրողների։ Հայաստանի ժուռնալիստների միության այս մասին կոչ է տարածել  աշխարհում գործող բոլոր լրատվական կազմակերպություններին, իրավապաշտպան կառույցներին:

«Այսպիսով՝

1. Արցախի Մարտունի քաղաքում ադրբեջանական զինուժը հրետակոծել է Le Monde պարբերականի լրագրողներին ու նրանց ուղեկցող անձնակազմին, ինչի արդյունքում ծանր վիրավորում են ստացել Ֆրանսիայի քաղաքացիներ՝ ֆրանսիական Le Monde պարբերականի երկու լրագրողները, իսկ խմբին ուղեցող Մարտունի քաղաքի բնակիչը հրետակոծության ժամանակ զոհվել է: Տեղի ունեցածին անդրադարձել է Ֆրանսիայի նախագահ Էմանուիլ Մակրոնը։

2. Մարտական գործողությունները լուսաբանելու ժամանակ հարձակման է ենթարկվել նաև հայաստանյան «Արմենիա» հեռուստաընկերության «ԺԱՄԸ» լրատվականի նկարահանող խումբը:  Վիրավորում է ստացել օպերատորը:

3. Մարտունիում ադրբեջանական զինուժի թիրախային կրակի տակ հայտնված լրագրողների խմբում է եղել նաև հայկական 24News.am առցանց հեռուստաընկերության լրագրողը։

4.Նույն օրը հրետակոծության տակ է հայտնվել նաև ռուսաստանյան Дождь հեռուստաընկերության փոխխմբագիրը:

5. Մարտունի քաղաքում հրետակոծության է ենթարկվել հայաստանյան «ՍիվիլՆեթ» հանդեսի հինգ հոգանոց նկարահանող խումբը։

6. Ադրբեջանական զինված ուժերը թիրախավորել են նաև Արցախում լրագրողական առաքելություն իրականացնող Agence France-Presse (AFP) միջազգային լրատվական գործակալության լրագրողներին տեղափոխող մեքենան:

Ադրբեջանի հարձակումից տուժած լրագրողներին ցուցաբերվում է բժշկական օգնություն, ընդհուպ՝ մինչև բարդ վիրահատական միջամտություններ։

Հոկտեմբերի 1-ի հարձակումները նախորդ օրերին տեղի ունեցած հարձակումների շարունակությունն են, օրինակ՝

1.Սեպտեմբերի 28-ին անօդաչու թռչող սարքը թիրախավորել էր հայկական «Շանթ» հ/ը և Tert.am  լրատվական կայքերի նկարահանող խմբերը՝ լրագրողներ ու օպերատորներ:

Ադրբեջանական զինված ուժերը թիրախավորում են ոչ միայն Արցախի խաղաղ բնակիչներին, այլ նաև պատերազմական գոտում իրենց մասնագիտական պարտքը կատարող լրագրողներին։ Ընդ որում, դա կատարվում է նպատակուղղված. բոլոր լրագրողները գործում են PRESS տարբերանշաններով, ինչը, սակայն, չի խանգարում հրետակոծել նրանց։ Դա հիմնավոր կասկած է առաջացնում, որ Ադրբեջանը լրագրողներին թիրախավորում է կանխամտածված՝ թերևս, այդ կերպ նպատակ ունենալով կանխել պատերազմի մասին իրական տեղեկատվության հաղորդումը միջազգային հանրությանը։ Իր այս քայլով Ադրբեջանը խախտում է բազմաթիվ միջազգային կոնվենցիաներ ու համաձայնագրեր, ինչը պետք է արժանանա համապատասխան կառույցների համարժեք գնահատականին։

Հայաստանի Ժուռնալիստների միությունը կոչ է անում աշխարհում գործող բոլոր լրատվական կազմակերպություններին, իրավապաշտպան կառույցներին՝ համարժեք գնահատական ներկայացնել լրագրողներին թիրախավորելու Ադրբեջանի դատապարտելի գործողությունների առնչությամբ՝ պահանջելով ապահովել պատերազմական գործողությունները լուսաբանող լրագրողների նկատմամբ չեզոքություն պահպանելու միջազգային նորմը։

Հայաստանի Ժուռնալիստների միությունը երախտագիտություն է հայտնում իրենց կյանքը վտանգի ենթարկող բոլոր լրագրողներին, նրանց աջակցող տեխնիկական անձնակազմերի ներկայացուցիչներին՝ մեզ համար այս ճակատագրական պահին իրենց մասնագիտական պարտքը կատարելու ու աշխարհին մեզ պարտադրված պատերազմի մասին հավաստի ու անաչառ տեղեկություններ հաղորդելու համար։ Ցավակցում ենք Le Monde պարբերականի լրագրողների խմբին ուղեցող երիտասարդի ընտանիքին և բոլոր հարազատներին:

Շուտափույթ ապաքինում ենք մաղթում վիրավորված ու տուժած մեր բոլոր գործընկերներին»,- ասվում է հայտարարությունում։

!
Այս նյութը հասանելի է նաև   English
Տպել
Կարդացեք նաև
Ամբողջը
Ադրբեջանի ԶՈւ հարվածի հետեւանքով Մարտակերտում կա քաղաքացիական առնվազն 1 զոհ եւ վիրավորներ. Արցախի ՄԻՊ
Կա քաղաքացիական առնվազն մեկ զոհ եւ մի քանի վիրավոր…
Արցախի ԱԳ նախարարը ֆրանսիացի պատգամավորներին երախտագիտություն է հայտնել համերաշխության համար
Ֆրանսիայի խորհրդարանի պատգամավորները Արցախի ԱԳՆ ղեկավարին են հանձնել Ֆրանսիայի խորհրդարան ներկայացված Արցախի Հանրապետության ճանաչման մասին…
Հրադադար հաստատելու Միացյալ Նահանգների միջնորդական ջանքերը ձախողվել են. Նիկոլ Փաշինյան
Որպես հետեւանք՝ այսօր Արցախում Ադրբեջանի կողմից շարունակվող հրետակոծությունից զոհվել ու վիրավորվել են խաղաղ բնակիչներ…
ՊՆ․ Հատուկ խնդիրների լուծման համար հակառակորդի կողմից F-16-ի օգտագործման ապացույցներ կան
Մասնավորապես, բարձր ճշգրտության մարտական արկեր են օգտագործվել․․․
Բոլորս ոգեւորված ենք ու շատ ենք շտապում լինել մարտի դաշտում. տավուշցի կամավորականները մեկնում են ռազմաճակատ
Միասնական ուժերով պետք է հաղթել թշնամուն. այս գաղափարի շուրջ են համախմբված բոլորը քաջ գիտակցելով օրհասական այս պահին մեկ բռունցք դարձած պետք է պայքարել…
Տեսանորությունների հատուկ թողարկում՝ ռուսերեն - 26.10.2020
Տեսանորությունների ամփոփիչ թողարկման մեջ ներկայացված են վերջին լուրերը, օրվա երկրորդ կեսի գլխավոր իրադարձությունները․․․
Ամենաշատ