ԱՄՆ ՊՆ բարձրաստիճան պաշտոնյան հաստատել է Sky News Arabia-ին, որ Թուրքիան ուղարկում է հարյուրավոր սիրիացի վարձկաններ Արցախի դեմ ագրեսիայի հարցում Ադրբեջանին օգնելու համար:
«Հաղորդագրություններն ու տեղեկատվությունը, որում ասվել է Թուրքիայի եւ Ադրբեջանի միջեւ վերջին օրերին տասնյակ չվերթների մասին հարյուրավոր սիրիացի վարձկաններ տեղափոխելու համար, հաստատվել է եւ համապատասխանում է իրականությանը»,-հայտարարել է պաշտոնյան, որը ցանկացել է մնալ անանուն:
Նա նախազգուշացրել է, որ Անկարան եւ Մոսկվան կշարունակեն «ուղղակիորեն միջամտել» շարունակվող հակամարտությանը՝ սատարելով երկու կողմերին իրենց միջոցներով, «ուղարկելով վարձկաններ, զենք եւ ապահովելով հետախուզական աջակցություն»:
Նա բնութագրել է այժմ տեղի ունեցողը որպես «փոքր պատերազմ լուրջ հետեւանքները», որի հետեւանքով հակամարտության կարգավորումը, նրա կարծիքով, գրեթե անհրար է, քանի որ կողմերից ոչ մեկը չի հանձնվի: Նրա խոսքով՝ այդ հակամարտությունն ունի իր հետւեանքները եւ լուրջ մարտահրավերները ՆԱՏՕ-ի անդամ երկրների անվտանգության համար, ինչպես նաեւ տարածաշրջանային անվտանգության ու միջազգային էներգետիկ շուկաների համար՝ հաշվի առնելով զսպման ինչ-որ ռազմավարության բացակայությունը, որը կսահմանափակի Ռուսաստանի նախագահ Վլադիմիր Պուտինի եւ Թուրքիայի նախագահ Ռեջեփ Թայիփ Էրդողանի հավակնությունները:
ԱՄՆ կառավարությունում աղբյուրները հայտնել են Sky News Arabia-ին, որ առաջիկա օրերին ԱՄՆ Կոնգրեսի անդամները կկարողանան առաջարկներ ներկայացնել այդ հակամարտության նկատմամբ քաղաքականության համար Էրդողանին պատասխանատվության ենթարկելու մասին, եւ չի կարելի բացառել Անկարայի դեմ պատժամիջոցներ սահմանելու հավանականությունը:
