Սիրիայից Ադրբեջան վարձկաններին ուղարկելն առաջացնում է խորը մտահոգություն: Այդ մասին հոկտեմբերի 1-ինյ լրագրողների հետ զրույցում հայտարարել է Հայաստանի ՄԻՊ Արման Թաթոյանը: «Մենք անցկացրել ենք հետազոտություն՝ հաշվի առնելով, որ ՄԱԿ-ի Մարդու իրավունքների խորհրդի 2019 թվականի բանաձեւն արգելում է եւ համարում հանցավոր գործունեություն ահաբեկչական տարրերի՝ որպես վարձկաններ, տեղափոխումն ու օգտագործումը, առավելեւս, երբ նրանք օգտագործվում են ընդդեմ ժողովրդի ինքնորոշման իրավունքի իրացումը»,-նշել է նա:
Թաթոյանը պարզաբանել է, որ այդ կապակցությամբ ուղարկվել է զեկույց հատուկ հանձնաժողովին, որը զբաղվում է հենց այդ հարցերով: Կիրառելով A կարգավիճակը, որը տրվել է ՄԱԿ-ի անկախ հանձնաժողովի կողմից, Հայաստանի օմբուդսմենը նաեւ դիմել է այլ միջազգային կառույցներ: Մենք գրանցել ենք նաեւ, որ Ադրբեջանի ռազմական հանցագործություններն ուղեկցվում են բռնության կոչերով, որոնք կրում են համակարգային բնույթ եւ ստանում պետական աջակցություն: Հավաքագրվել են փաստեր բռնության եւ սպանությունների դաժան տեսարաններ պարունակող տեսանյութերով, որոնք տեղադրվել են սոցիալական ցանցերում:
Հատկապես այդպիսի շատ տեսանյութեր կան «ՏիկՏոկ»-ում, որտեղից խնդրել ենք մեզ փոխանցել մեր մոնիթորինգի տվյալները: Առաջիկայում այդ փաստերը կփոխանցվեն»,-ամփոփել է ամբուդսմենը:
