News
Լրահոս
News
Հինգշաբթի
Մարտ 28
Տեսնել լրահոսը

Մարտակերտում հոկտեմբերի 2-ին, լրագրողներին տեղափոխող տրանսպորտային միջոցը հակառակորդի կողմից թիրախավորվել է։ Լրագրողների հետ հանդիպմանը՝ Արցախի մարդու իրավունքների պաշտպան Արտակ Բեգլարյանն ասաց, որ հարձակման հետևանքով  բարեբախտաբար ոչ ոք չի տուժել, բայց նյութական վնաս է արձանագրվել։

«Սա երեկվա դեպքի տրամաբանության մեջ է։ Երեկ Մարտունիում  թիրախավորել էին քաղաքացիական բնակչությունը, ներառյալ լրագրողների խումբը, ինչի հետևանքով 4 զոհ և 11 վիրավոր ունեցանք։ Լրագրողների հանդեպ այդ թիրախավորումը պետք է խստագույնս արձագանք ստանա, իհարկե, որոշակի արձագանք եղել է միջազգային հանրության կողմից,  բայց կարծում եմ՝ դա բավարար չէ։ Սա ոչ միայն քաղաքական, դիվանագիտական դաշտի հարց է, այլև իրավական բնույթի հարց է, քանի որ այդ տիպի թիրախավորումը քաղաքացիական բնակչության և լրագրողների հանդեպ պատերազմական հանցագործություն  է, իսկ յուրաքանչյուր հանցագործություն պիտի համապատասխան գնահատական և պատիժ ստանա»,-ընդգծեց Արցախի ՄԻՊ-ը։

Արտակ Բեգլարյանը հույս հայտնեց, որ այսօրվա դեպքից հետո այլևս նման դեպքեր չեն լինի և լրագրողները կարող են ազատ լուսաբանել պատերազմական գործողությունները։

«Կասկած ունեմ, որ Ադրբեջանի կողմից լրագրողներին թիրախավորելը նպատակ ունի նաև լրագրողներին դուրս մղել պատերազմական գործողությունների հատվածից, որպեսզի հատկապես միջազգային լրագրողները  չկարողանան օբյեկտիվ ներկայացնել իրավիճակը, ներառյալ ադրբեջանական Զինված ուժերի կողմից կատարվող պատերազմական հանցագործությունները քաղաքացիական բնակչության հանդեպ»,- հավելեց ՄԻՊ-ը։

Հիշեցնենք, որ  հոկտեմբերի 1-ին, Մարտունիում Ադրբեջանի ռմբակոծությունից վիրավորվել էր ֆրանսիական  Le Monde պարբերականի  2 լրագրող (Ֆրանսիայի քաղաքացիներ): Նրանցից մեկի վիճակը ծանր էր գնահատվում, վերջինիս վիրահատել են, նրա կյանքին վտանգ չի սպառնում։ Վերջիններս այսօր տեղափոխվել էին Երևան՝ «Էրեբունի» ԲԿ, որտեղից էլ ժամեր անց մեկնել էին Ֆրանսիա։ Մարտունի քաղաքում Ադրբեջանի ռմբակոծությունից վիրավորվել էր 24news.am-ի լրագրող Սևակ Վարդումյանը։ Մարտական գործողությունները լուսաբանելու ժամանակ հարձակման է ենթարկվել նաև «Արմենիա» Հ/Ը «Ժամը» լրատվական նկարահանող խումբը։ Վիրավորում է ստացել օպերատոր Արամ Գրիգորյանը, վնասվածքը թեթև է։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Անհայտ կորած եւ գերեվարված 11 զինծառայողների ընտանիքները եւս 2 ամիս կստանան 300-հազարական դրամ աջակցությունը
Կառավարությունն իր այսօրվա՝ մարտի 28-ի նիստում որոշում կայացրեց, որով…
Լեմկինի ինստիտուտը մտահոգություն է հայտնել, որ Ադրբեջանի վարչախումբը կարող է հաշվեհարդար տեսնել հայ գերիների հետ
Հաշվի առնելով այդ անձանց նկատմամբ մարդու իրավունքների լրջագույն խախտումների բարձր ռիսկայնությունը…
ՄԱԿ-ի հարկադիր և ակամա անհետացածների հարցերով աշխատանքային խմբին են ներկայացվել ութ հայ զինվորականների գործեր
Բոլոր գործերը ներկայացվել են տուժողների ընտանիքների հետ համագործակցաբար։ ՄԱԿ-ի մարդու իրավունքների խորհրդի կողմից ստեղծված հիշյալ աշխատանքային...
Ադրբեջանցիների կողմից հայերի գլխատումը նրանց ընտանիքի անդամներին հոգեկան տառապանք պատճառելու համատարած մեթոդ է. Զեկույց
Բացի այդ՝ զեկույցում անդրադարձ կա Ադրբեջանում բարձրաստիճան պաշտոնյաների կողմից հանցագործներին ուղղված գովասանքին...
Առանց Ռուսաստանի օգնության Ադրբեջանը չէր կարողանա վերադարձնել Ղարաբաղը. ադրբեջանցի քաղաքագետ
Նա մեկնաբանել է Ռուսաստանի դերը 44-օրյա պատերազմի ժամանակ...
Յունուսով. Ուկրաինան Ադրբեջանին զենք է մատակարարել Հայաստանի հետ պատերազմի ժամանակ
Ադրբեջանը, համաձայնեցնելով Թուրքիայի և Մոլդովայի հետ, Կիևին մատակարարել է նաև Բայրաքթարներ և այլ...
Ամենաշատ