Խորհրդավոր անձը, ով հեռախոսի միջոցով պոռնո լուսանկարներ էր դիտում Ազգային անվտանգության խորհրդի քարտուղար Արթուր Բաղդասարյանի մասնակցությամբ տեղի ունեցած աշխատաժողովի ժամանակ, ԱԱԽ աշխատակիցներից չէ: Այս մասին NEWS.am-ի թղթակցին հայտնեց ԱԱԽ մամուլի քարտուղար Հարություն Ամիրյանը: Տեսարանում, որը ֆիքսել էր slaq.am լրատվական կայքի տեսախցիկը, երեւում է, թե ինչպես է աշխատաժողովի մասնակիցներից մեկը, ով նստած է վերջին շարքում, անկաշկանդ վայելում մերկ լեսբուհիների լուսանկարները: Տեսախցիկը պոռնոյի սիրահար, մոտ 50 տարեկան տղամարդուն ֆիքսել է մեջքից, սակայն մի ակնթարթ նա երեւում է նաեւ պրոֆիլից:
ԱԱԽ մամուլի քարտուղարը նշեց, որ աշխատաժողովին հրավիրված ԱԱԽ թվով երեք աշխատակիցները նստած են եղել առաջին շարքում: «Ուստի`նրանք չէին կարող այլ գործով զբաղվել»,-պնդեց Ամիրյանը: Նա միաժամանակ հավելեց, որ աշխատաժողովին հրավիրված են եղել նաեւ քաղաքացիական հասարակության` ՀԿ-ների ներկայացուցիչներ`չբացառելով, որ հենց նրանցից մեկն էլ լինի պոռնոֆոտոներով հետաքրքրվող անձը: NEWS.am-ը խնդրեց ԱԱԽ մամուլի խոսնակից ներկայացնել աշխատաժողովի մասնակիցների ցանկը, որը Ամիրյանը խոստացավ տրամադրել առաջիկայում:
Նշենք, որ սկանդալային տեսանյութն արվել է ԵՄ-Հայաստան համագործակցության շրջանակում օրերս անցկացված բարեփոխումների վերաբերյալ աշխատաժողովի ժամանակ: Slaq.am-ը, սակայն, չի նշում «հերոսի» անունը: