Վերաքննիչ դատարանն այսօր՝ հոկտեմբերի 7-ին, հետաձգեց Գագիկ Ծառուկյանի խափանման միջոցի վերաբերյալ որոշման հրապարակման ժամը, այն կհայտարարվի ժամը 18։00-ին։
Հիշեցնենք, որ Գագիկ Ծառուկյանի նկատմամբ որպես խափանման միջոց կալանավորումը կիրառելու մասին Երևան քաղաքի ընդհանուր իրավասության առաջին ատյանի դատարանի՝ 25․09․2020թ․-ի որոշման դեմ Գագիկ Ծառուկյանի պաշտպանական խմբի կողմից սահմանված ժամկետում ներկայացվել էր վերաքննիչ բողոք։
Հոկտեմբերի 5-ին վերաքննիչ քրեական դատարանը քննել էր բողոքը, գնացել խորհրդակցական սենյակ
Նախօրեին 13 կուսակցություններ գրությամբ դիմել էին ՀՀ գլխավոր դատախազ Արթուր Դավթյանին՝ առաջարկելով վերանայել «Բարգավաճ Հայաստան» կուսակցության նախագահ Գագիկ Ծառուկյանի նկատմամբ կիրառված՝ խափանման միջոց կալանավորման մասին որոշումը:
Ծառուկյանը մեղադրվում է Քրեական օրենսգրքի 154.2 հոդվածով՝ ընտրողի կողմից թեկնածուներից, կուսակցություններից (կուսակցությունների դաշինքներից), հանրաքվեի քարոզչական նախաձեռնություններից կաշառք ստանալը կամ թեկնածուների, կուսակցությունների (կուսակցությունների դաշինքների), հանրաքվեի քարոզչական նախաձեռնությունների կողմից ընտրողներին կաշառք տալը կամ ընտրողի ազատ կամքի իրականացմանը խոչընդոտելը։