Արդարադատության եւ իրավունքի գերակայության պահպանման հարցերով եվրահանձնակատար Դիդյե Ռեյնդերսը հայտարարել է, որ Եվրոպայում մամուլի ազատության հետ կապված բացասական միտում է դիտվում։ Նա այսպիսի տեսակետ է հայտնել El Pais պարբերականի հետ հարցազրույցում։
«Եվրոպայում դիտվում է բացասական միտում մամուլի ազատության եւ լրատվամիջոցների ու լրագրողների դերի վերաբերյալ։ Պատճառները մի քանիսն են, կարծում է եվրահանձնակատարը։ - Առաջինը, որի վրա պետք է ուշադրություն դարձնենք, նոր պլատֆորմների ի հայտ գալու կամ Google-ի դերի ու թվայնացման արժեքի հետեւանք տնտեսական ասպեկտն է»։
«Սա նշանակում է, որ պլյուրալիզմի պաշտպանության համար, հավանաբար, ստիպված ենք մամուլին օգնել արդարության հիմքով»,- հստակեցրել է Ռեյնդերսը։
«Դրանից բացի, մենք Մալթայում եւ Չեխիայում տեսել ենք հարձակումներ, ահաբեկումներ եւ սպանություններ։ Ինչպես նաեւ այն, որ որոշ երկրներում կան միեւնույն լրագրողների դեմ հարուցված 20-ից մինչեւ 30 գործեր, որոնցով քննություն է վարվում»,- հավելել է եվրահանձնակատարը։
«Մենք [Եվրահանձնաժողովում] իրավիճակի քարտեզ ենք պատրաստում, բայց նաեւ մտածում ենք միջոցառումների մասին, եթե անհրաժեշտ է՝ օրենսդրական [լրագրողներին պաշտպանելու համար],- նշել է Ռեյնդերսը։ - Կամ եվրոպական մակարդակով իրավաբանների եւ փորձագետների ծառայություն ստեղծելու մասին, որ այն տուժածներին հասանելի լինի»։
