ԵՄ 27 անդամ երկրների արտգործնախարարները հոկտեմբերի 12-ին կայանալիք նիստին կքննարկեն Լեռնային Ղարաբաղի հակամարտությունը` հաշվի առնելով Հայաստանի եւ Ադրբեջանի արտգործնախարարների նախատեսված հանդիպման արդյունքները: Այս մասին ուրբաթ Բրյուսելում լրագրողներին հայտնել է ԵՄ բարձրաստիճան ներկայացուցիչը:
«Ադրբեջանի եւ Հայաստանի արտգործնախարարները, կարծես, բանակցություններ կանցկացնեն Մոսկվայում: Սպասենք հանդիպման արդյունքներին եւ երկուշաբթի կքննարկենք, թե ինչպես ԵՄ-ն կարող է նպաստել հակամարտության կարգավորմանը»,- ասել է նա, փոխանցում է ՏԱՍՍ-ը:
