Ամերիկյան Microsoft կորպորացիան իր աշխատակիցներին թույլ կտա հեռավար աշխատել մշտական հիմունքներով, հաղորդում է The Verge-ը՝ հղում անելով ընկերության ներքին փաստաթղթին:
Պարբերականի տվյալներով՝ ընկերությունը փաստաթուղթ է ներկայացրել, որը կարգավորում է իր աշխատակիցների աշխատանքային գրաֆիկը: Այդպիսով, ըստ ներքին կարգի, աշխատակիցները կարող են անցնել հեռավար աշխատանքի կամ էլ օգտվել հիբրիդային գրաֆիկի հնարավորությունից:
Այն, մասնավորապես, ենթադրում է, որ աշխատակիցը աշխատանքային մեկ շաբաթը կարող է հեռավար աշխատել: Ընդ որում, նշվում է, որ անձնակազմի մի մասը՝ հաշվի առնելով գործունեության բնույթը, չի կարող հեռավար աշխատանքի լրիվ անցում կատարել, հաղորդում է ՏԱՍՍ-ը:
Բացի այդ, նշվում է, որ կորպորացիան կփոխհատուցի աշխատակիցներին, որոնք մշտապես հեռավար են աշխատում:
Օգոստոսի սկզբից ընկերությունը հայտնել է, որ կորպորացիան երկարաձգել է աշխատակիցների հեռավար աշխատանքային ռեժիմը մինչեւ 2021 թվականի հունվարի 19-ը:
