ԱՄՆ Լուիզիանա նահանգի Բաթոն Ռուժ քաղաքում 11-ամյա տղան դպրոցական ավտոբուս է առեւանգել, ոստիկանները սկսել են նրան հետապնդել եւ ձերբակալել են, փոխանցում է տեղական WBRZ հեռուստաալիքը՝ վկայակոչելով ոստիկանությանը։

Կիրակի առավոտյան երեխան ավտոբուս է թափանցել, ենթադրաբար, քաղաքի հյուսիսային մասում եւ կարողացել է այն գործի գցել։ Ոստիկաններն առեւանգված ավտոբուսի հետապնդումը սկսել են տեղական ժամանակով մոտ 11։00-ին։ Շուրջ կես ժամ հետո ավտոբուսը բախվել է գազատարին, իսկ այնուհետեւ ծառին, փոխանցում է «ՌԻԱ Նովոստի»-ն։

Ոստիկանները շրջապատել են ավտոբուսը, երեխային դուրս բերել ավտոբուսից եւ ձեռնաշղթաներ հագցրել։ Տղային անչափահասների պահման կենտրոնում հսկողության տակ են դրել մի քանի մեղադրանքներով, այդ թվում՝ ավտոմեքենայի գողության եւ ծանրացուցիչ հանգամանքներում բռնության կատարման։ Ոստիկանությունից հայտնել են, որ այս դեպքում խոսքն այն մասին է, որ «չարամիտը դիտավորյալ փորձել է մխրճվել տրանսպորտային միջոցի մեջ»։

Տեղական մեկ այլ հեռուստաալիք՝ WAFB9-ը հավելում է, որ հետապնդմանը մասնակցել են տասնյակ ոստիկաններ։ Աշակերտը ավտոբուսով եւ ոստիկանկան ավտոմեքենաների  շարանն անցել են քաղաքի մի քանի շրջաններով։