Ռուսաստանի եւ Հայաստանի հարաբերությունները բնութագրվում են որպես դինամիկ քաղաքական երկխոսություն, այդ թվում բարձր մակարդակով։ Այս մասին Հայաստանի ԱԳ նախարար Զոհրաբ Մնացականյանի հետ համատեղ ասուլիսում Մոսկվայում հայտարարել է ՌԴ ԱԳ նախարար Սերգեյ Լավրովը։
Նրա խոսքով, կորոնավիրուսի պայմաններում հաջողվել է առաջ մղել երկկող շփումները՝ առավելագույնս կիրառելով հեռավար ձեւաչափը։ ՌԴ նախագահ Վլադիմիր Պուտինը եւ ՀՀ վարչապետ Նիկոլ Փաշինյանը տարվա սկզբից միմյանց հետ շփվել են 7 անգամ, կառավարությունների ղեկավարները՝ 3 անգամ կենդանի շփում են ունեցել, որից վերջինը՝ հոկտեմբերի 9-ին, երբ ՌԴ վարչապետը Երեւանում էր՝ մասնակցելու ԵԱՏԿ նիստին։
Կորոնավիրուսի պայմաններում Ռուսաստանը Հայաստանին է փոխանցել թեստեր, ապրիլից Հայաստանում աշխատում են ՌԴ ՊՆ-ի վարակաբանները։ Հայաստանի Ռուսաստան իրականացվել է 79 չվերթ, հայրենիք է վերադարձել շուրջ 10 հազար մարդ։
Լավրովի խոսքով, Հայաստան-Ռուսաստան ապրանքաշրջանառության աճը կազմել է 26 տոկոս՝ հասնելով 2.5 մլրդ դոլարի։ Չնայած տնտեսական անկմանը, ապրանքաշրջանառության կրճատումից հաջողվել է խուսափել։ Այս տարվա 7 ամիսների տվյալներով ապրանքաշրջանառության ծավալը նախորդ տարվա համեմատ չի փոխվել։
ՌԴ ԱԳ նախարարը անդրադառնալով մշակույթի եւ կրթության ոլորտում համագործակցությանը, ողջունել է այս տարին Հայաստանում Ալեքսանդր Գրիբոյեդովի տարի հռչակելը։ Նա բավականությամբ ընդգծել է, որ Հայաստանում ռուսական 6 բուհերի մասնաճյուղեր կան, որտեղ ուսանում է 3,5 հազար ուսանող։
Բացի այդ, գոյություն ունեն քվոտաներ, որոնք համաձայն ՀՀ քաղաքացիները կարող են ուսանել ռուսական բուհերում։ Այդ քվոտաներով ՀՀ հազար քաղաքացիներ են ուսանում ՌԴ-ում որոնցից 2 հազարը դաշնային բյուջեի ֆինանսավորմամբ։