Ավստրալիայի հյուսիս-արեւմուտքում Պերտի Քյորթինի անվան համալսարանի շենքերից մեկում շինարարական աշխատանքների ժամանակ տանիքի փլուզման հետեւանքով մահացել է մեկ մարդ, եւս մեկը մարմնական վնասվածքներ է ստացել, հայտնում է ABC-ն։
Հեռուստաալիքի տեղեկություններով՝ պատահարը տեղի է ունեցել տեղական ժամանակով 12:30-ի սահմաններում, համալսարանի տարածքում նոր շենք կառուցելու վարում։ Հինգ հարկանի շենքի ապակե տանիքը մասնաշենքի մեջ է փլվել մոնտաժային աշխատանքներ կատարելու ժամանակ՝ բախվելով նեցուկներին եւ կառույցի միջհարկային հենածածկերին։
Դեպքի վայրում աշխատում են վթարային ծառայությունները, որոնց աշխատակիցները փնտրում են նրանց, ովքեր, հավանաբար, մնացել են փլատակների տակ, հերթապահում են շտապօգնության մեքենաները եւ ոստիկանները։
Հաղորդվում է, թե պատճառներ չկան փլուզումը կասկածելի համարելու համար։ Այլ մանրամասներ չեն հաղորդվում։