Ռուսաստանի Դաշնության Պաշտպանության նախարարությունը մտահոգված է Մերձավոր Արեւելքից Լեռնային Ղարաբաղի հակամարտության գոտի ահաբեկչական խմբավորումների տեղափոխման վերաբերյալ տեղեկատվությամբ, փոխանցում է ՏԱՍՍ-ը:
«Ռուսաստանի պաշտպանության նախարարությունը հատկապես մտահոգված Մերձավոր Արեւելքից ահաբեկչական խմբավորումների` Լեռնային Ղարաբաղի հակամարտության գոտի տեղափոխման մասին տեղեկատվության կապակցությամբ»,- ասել են ՌԴ պաշտպանության նախարարությունում:
Գերատեսչությունում հավելել են, որ այդ մտահոգությունը Ռուսաստանի պաշտպանության նախարար Սերգեյ Շոյգուի կողմից երկուշաբթի հեռախոսազրույցների ընթացքում հասցվել է Թուրքիայի ռազմական գերատեսչության ղեկավար Հուլուսի Աքարին:
Հոկտեմբերի 12-ին Սերգեյ Շոյգուն հեռախոսազրույցներ էր ունեցել Թուրքիայի պաշտպանության նախարար Հուլուսի Աքարի հետ: Հոկտեմբերի 7-ին Ռուսաստանի ՊՆ ղեկավարը հեռախոսային բանակցություններ են վարել Հայաստանից եւ Ադրբեջանից իր գործընկերներ Դավիթ Տոնոյանի եւ Զաքիր Հասանովի հետ: Կողմերը քննարկել են իրավիճակը Լեռնային Ղարաբաղում:
