Ռուսաստանը ճանաչում է Սուրբ Սոֆիայի տաճարի օգտագործման պարամետրերը որոշելու Թուրքիայի իրավունքը, սակայն պարտադիր հաշվի առնելով ՅՈՒՆԵՍԿՕ-ի համաշխարհային ժառանգության նրա կարգավիճակը: Այս մասին հայտարարել է ՌԴ ԱԳՆ ղեկավար Սերգեյ Լավրովը, հաղորդում է ՌԻԱ Նովոստին:
«Մենք ճանաչում ենք Թուրքիայի, Ստամբուլի իշխանությունների՝ այդ օբյեկտի օգտագործման կոնկրետ պարամետրերը որոշելու իրավունքը, սակայն, անկասկած, հաշվի առնելով դրա մշակությամբ համաշխարհային ժառանգության օբյեկտի կարգավիճակը, որը շնորհել է ՅՈՒՆԵՍԿՕ-ն, եւ ՅՈՒՆԵՍԿՕ-ի շրջանակում այդ վեճը դեռ չի ավարտվել:
Մեր թուրք գործընկերները վստահեցրել են, որ այն ամենը, ինչը կապված է ուղղափառ մշակույթի հետ, կպահպանի հասանելիությունը այցելուների, զբոսաշրջիկների, ուխտավորների համար: Տեսնենք, թե ինչպես դա կիրականացվի պրակտիկայում, սակայն դեռ համապատասխան տեխնիկական միջոցները չեն ավարտվել»,- ասել է նա: