Այսօր բիթքոինի արժեքը առանց որեւէ դինամիկայի տատանվում է 11,4 հազար դոլարի սահմաններում, վկայում են սակարկությունների տվյալները։ Ամենատարածված կրիպտոարժույթը վերջին աճից հետո կոնսոլիդացիայի փուլում է եւ, հավանաբար, դեռ չի կողմնորոշվել հետագա շարժման ուղղությամբ, ասում են վերլուծաբանները, փոխանցում է «Փրայմը»։
CoinMarketCap պորտալի տվյալների համաձայն, որը միջին գինը հաշվարկում է ըստ ավելի քան 20 բորսաների, բիթքոինը թանկացել է 0,09 տոկոսով՝ հասնելով մինչեւ 11 408 դոլարի։ Կրիպտոարժույթների վաճառքի ծավալով խոշորագույն Binance բորսայում բիթքոինի գինը նվազել է 0,06 տոկոսով՝ հասնելով մինչեւ 11 404 դոլարի։ Բիթքոինին բաժին է ընկնում շուկայի շուրջ 58,5 տոկոսը։
Երեքշաբթի կայացած սակարկությունների ժամանակ կրիպտոարժույթի արժեքը սեպտեմբերի 2-ից սկսած առաջին անգամ հասել էր 11 700 դոլար նիշին, սակայն այնուհետեւ աճի տեմպերը դանդաղել էին, ապա անցել նվազման։