YouTube-ը հայտարարել է, որ խստացնում է դավադրության տեսությունների տարածման կանոնները, մասնավորապես, թիրախավորելով QAnon շարժումը, որն արդեն սահմանափակված է Twitter-ում եւ Facebook-ում:
Տեսահարթակը հայտարարել է, որ ընդլայնում է ատելության եւ ոտնձգությունների հանդեպ իր քաղաքականությունը, որպեսզի «արգելի դավադրության տեսություններով բովանդակությունը, որոնք օգտագործվել են իրական աշխարհում բռնությունները արդարացնելու համար»:
Դա կարող է նշանակել մարդկանց սպառնալիքներով կամ հետապնդումներով տեսանյութերի հեռացում, որոնք ենթադրում են նրանց մեղսակցությունը դավադրությանը, ինչպիսին է Pizzagate-ը, ենթադրաբար սեռական շահագործմամբ զբաղվող երեխաների թրաֆիքինգի խումբը, որը կապեր ունի ԱՄՆ Դեմոկրատական կուսակցության նախկին թեկնածու Հիլարի Քլինթոնի հետ, ով աշխատել է Վաշինգտոնի պիցցերիայում:
YouTube-ը հայտնել է, որ այն արդեն հեռացրել է «QAnon-ի տասնյակ հազարավոր տեսանյութեր» եւ փակել շարժման կողմից օգտագործվող որոշ ալիքներ:
QAnon-ը Միացյալ Նահանգներում տարածված դավադրության տեսություն է, որի համաձայն ԱՄՆ նախագահ Դոնալդ Թրամփը պատրաստվում է բացահայտել փոքր երեխաների սեռական շահագործման հսկա միջազգային սխեման, որում իբր ներգրավված են ԱՄՆ Դեմոկրատական կուսակցության սատանային երկրպագող առաջնորդները, ինչպես նաեւ ամերիկացի շատ հայտնի մարդիկ: