ՌԴ ռազմատիեզերական ուժերը Սիրիայում սկսել են ոչնչացնել Ադրբեջանի համար ահաբեկիչներ պատրաստող ճամբարները: Ինչպես նաեւ Իդլիբում սկսվել է նմանատիպ այլ ճամբարների որոնումը դրանց ոչնչացման համար, հաղորդում է RVVoenkor-ի Telegram ալիքը։

Հայտնի է դարձել, որ թուրք զինվորականները  Ջիսր էշ-Շուգուր շրջան ռազմական խորհրդականների են ուղարկել եւ սկսել միավորել տարբեր ահաբեկչական խմբավորումների ուժերը:

Այս փաստերը ստուգվել են ավիահետախուզության միջոցով եւ հաստատվել, որ ահաբեկչական խմբավորումների միավորման աշխատանքներն իրականացրել են թուրք հրահանգիչներն ու մասնավոր ռազմական ընկերության աշխատակիցները:

Առավոտյան ռուսական ՍՈւ-34-ը եւ ՍՈւ-24Մ-ը գրոհել են ճամբարի օբյեկտները, այդ թվում՝ շտաբը, ապաստարանները եւ քողարկված տեխնիկան: