Հունաստանը եւ Կիպրոսը պնդում են ԵՄ գագաթնաժողովում Եվրամիության ավելի խիստ արձագանքի մասին Միջերկրական ծովի ջրերում Թուրքիայի սադրանքներին՝ այն բանից հետո, երբ Անկարան վերսկսել է հետազոտական նավի աշխատանքը, փոխանցում է Reuters-ը։

Իր վերջին գագաթնաժողովից հետո 2 շաբաթ անց, որի ժամանակ առաջնորդները քննարկել էին տնտեսական պատժամիջոցները, ԵՄ-ին դեռեւս չի հաջողվել Անկարային համոզել դադարեցնել հետախուզումը Հունաստանի եւ Կիպրոսի ջրերում։

«Ես անկեղծորեն հույս ունեմ, որ մենք կկարողանանք վճռականորեն եւ միաձայն պաշտպանել Հունաստանին ու Կիպրոսին Թուրքիային նոր սադրանքների դեմ»,- ասել է Սլովենիայի վարչապետ Յանեզ Յանսան։

Ֆրանսիան եւ Գերմանիան ավելի վաղ հայտարարել էին, որ Թուրքիան ընդամենը մի քանի «շաբաթ» ունի, որ իր դիրքորոշումը վերանայի եւ սադրանքները դադարեցնի։

Հոկտեմբերի 2-ին ԵՄ առաջնորդները որոշել էին Թուրքիային ժամանակ տալ մինչեւ դեկտեմբերի սկիզբ, մինչ տնտեսական պատժամիջոցների քննարկումը։ Գերմանիան, որը մինչեւ հիմա Անկարայի հետ դիվանագիտական բանակցություններ էր վարում, ցանկանում է երկխոսությանը հնարավորություն տալ ԵՄ-ի եւ Թուրքիայի միջեւ սերտ առեւտրական կապերի պատճառով։ «Փորձ կձեռնարիկվի լուրջ նախազգուշացում կատարել (Թուրքիային)»,- ասել է ԵՄ մի բարձրաստիճան դիվանագետ։