Հարավային ուղղությամբ ամբողջ օրը շարունակվել են ծանր մարտերը։ Այս մասին այսօր՝ հոկտեմբերի 16-ին, հրավիրված ասուլիսի ժամանակ ասաց ՀՀ ՊՆ ներկայացուցիչ Արծրուն Հովհաննիսյանը։
«Որոշ ուղղություններով մեր զորքերը կատարել են վերախմբավորումներ։ Հատկապես հարավում մինչեւ այս պահն ընթանում են դժվար ու ծանր մարտեր։ Օրվա ընթացքում ադրբեջանական օդուժը կատարել է նաեւ որոշակի թռիչքներ։ Այդ ընթացքում մարտական հարվածներ են հասցրել, մեզ հաջողվել է չեզոքացնել որոշ թռչող սարքեր»,- նշեց Արծրուն Հովհաննիսյանը։