Ուրբաթ Եվրախորհրդարանը հետաքննող լրագրության ոլորտում սահմանել է Դաֆնա Կարուանա Գալիցիայի անվան մրցանակ․ մալթացի լրագրող, ում սպանել էին ուղիղ 3 տարի առաջ, հայտնում է «Ինտերֆաքսը»։
«Դաֆնա Կարուանա Գալիցիայի մրցանակը նշում է այն կարեւոր դերը, որը լրագրողներն ունեն մեր ժողովրդավարությունների պահպանման գործում, ծառայելու է որպես քաղաքացիներին հիշեցում ազատ մամուլի նշանակության մասին։ Այս մրցանակը կոչված է լրագրողներին օգնելու իրենց կատարած կենսականորեն կարեւոր եւ հաճախ վտանգավոր աշխատանքում»,- հայտարարել է Եվրախորհրդարանի փոխնախագահ Հայդի Հաութալան։
Լրագրողի հետաքննության թեմաներն էին կառավարությունում կոռուպցիան, կապիտալի լվացումը, կազմակերպված հանցավորության հետ բիզնեսի կապը։ Գրել է «պանամական փաստաթղթերի» մասին։ 2016 թվականին նա երկրի վարչապետ Ջոզեֆ Մուսկատին մեղադրել է Ադրբեջանի նախագահ Իլհամ Ալիեւի ընտանիքի հետ կոռուպցիոն կապերի մեջ։
Կարուանա Գալիսիան սպանվել էր 2017 թվականի հոկտեմբերի 16-ին նրա ավտոմեքենայի մեջ տեղադրված ռումբի պայթյունի հետեւանքով։ Հանրության խոր վրդովմունքը, թե իշխանություններն ինչպես են անցկացնում նրա սպանության քննությունը, ի վերջո հանգեցրել էր երկրի վարչապետ Մուսկատի հրաժարականին։
Ամենամյա մրցանակը՝ 20 հազար եվրո դրամական բաղադրիչով, շնորհվելու է 2021 թվականի հոկտեմբերից ԵՄ-ից լրագրողներին կամ լրագրողների խմբին։ Թեկնածուները եւ դափնեկիրը ընտրվելու են անկախ հանձնաժողովի կողմից։