ՌԴ նախագահ Վլադիմիր Պուտինը եւ Սաուդյան Արաբիայի թագաժառանգ արքայազն Մուհամմեդ բին Սալման Ալ Սաուդը քննարկել են կորոնավիրուսի դեմ պայքարում համագործակցությունը, ինչպես նաեւ ռուսական «Սպուտնիկ V» պատվաստանյութի օգտագործման հեռանկարները, հաղորդում է «ՌԻԱ Նովոստին»՝ վկայակոչելով Կրեմլի մամուլի ծառայությունը:
Շաբաթ օրը Վլադիմիր Պուտինը հեռախոսազրույց է ունեցել Մուհամմեդ բեն Սալման Ալ Սաուդի հետ:
«Քննարկվել է նաեւ կորոնավիրուսային վարակի տարածման դեմ պայքարում փոխգործակցության թեման, մասնավորապես՝ Սաուդյան Արաբիայում ռուսական «Սպուտնիկ V» պատվաստանյութի օգտագործման հեռանկարները»,- ասվում է է հաղորդագրության մեջ:
Ավելացվում է, որ կողմերը պայմանավորվել են տարբեր մակարդակներում շփումները շարունակելու մասին: