Եվրամիության ռեստորաններին եւ խանութներին հնարավոր է արգելեն «բուսական բուրգերներ» կամ «վեգանական երշիկներ» վաճառել, եթե ֆերմերները Եվրախորհրդարանի նիստի ժամանակ հասնեն իրենց ուզածին, հաղորդում է Reuters-ը:
Գյուղատնտեսության մասին օրենքում առաջարկվող փոփոխությունները նաեւ արգելում են ոչ կաթնային մթերքի նկարագրությունը՝ որպես «նման» կամ «ստիլիզացված» կաթ, կարագ կամ պանիր:
Ֆերմերներն ասում են, որ այս միջոցներն անհրաժեշտ են սպառողներին մոլորության մեջ գցելուց պաշտպանելու համար: Բժշկական խմբերը, բնապահպանները եւ բուսական սնունդ արտադրողները կարծում են, որ սա հետընթաց քայլ կլինի բնապահպանական եւ առողջապահական ԵՄ նպատակներին հասնելու համար:
Առաջարկված փոփոխությունների համաձայն, սթեյք, երշիկ, էսկալոպ, բուրգեր եւ համբուրգեր հասկացությունները կթույլատրվեն միայն միս պարունակող ապրանքների համար:
Եվրոպական դատարանն արդեն երեք տարի առաջ արգելել է այնպիսի ապրանքատեսակները, ինչպիսիք են «սոյայի կաթը» եւ «վեգանական պանիրը»:
