News
Լրահոս
News
Չորեքշաբթի
Դեկտեմբեր 02
USD
506.98
EUR
607.41
RUB
6.66
ME-USD
0.01
Տեսնել լրահոսը

Արցախի դեմ Ադրբեջանի եւ Թուրքիայի ագրեսիայի ստեղծած իրավիճակում միջազգային հանրությունը պետք է ավելի ակտիվ եւ գործուն քայլեր ձեռնարկի՝ չսահմանափակվելով անհասցե կոչերով, որոնք ցուցադրաբար մերժվում են Ադրբեջանի եւ Թուրքիայի կողմից: Այս մասին Հայաստանի Հանրապետության եւ Արցախի Հանրապետության արտաքին քաղաքական գերատեսչությունների ղեկավարների եւ մարդու իրավունքների պաշտպանների հոկտեմբերի 19-ին կայացած համատեղ հանդիպմանը՝ Հայաստանում հավատարմագրված օտարերկրյա պետությունների դիվանագիտական առաքելությունների ներկայացուցիչների հետ ասել է Արցախի Հանրապետության արտաքին գործերի նախարար Մասիս Մայիլյանը։

Նախարարը կոչ է արել միջազգային հանրությանը՝ ճանաչել Արցախի Հանրապետության անկախությունը՝ որպես արդյունավետ միջոց Ադրբեջանի կողմից սանձազերծած ռազմական ագրեսիան դադարեցնելու, ինչպես նաեւ տարածաշրջանում կայուն խաղաղություն հաստատելու համար:

Իր ելույթում Մասիս Մայիլյանը ներկայացրել է Արցախի Հանրապետության դեմ Ադրբեջանի եւ Թուրքիայի կողմից սանձազերծված լայնածավալ ագրեսիայի արդյունքում ստեղծված իրավիճակը: Որպես տարածաշրջանային խաղաղության եւ կայունության լրացուցիչ վտանգ՝ ԱՀ արտաքին գործերի նախարարն առանձնահատուկ շեշտել է Թուրքիայի անմիջական մասնակցությունն Ադրբեջանի կողմից սանձազերծված գործողություններին, այդ թվում՝ օտարերկրյա զինյալ ահաբեկիչների Ադրբեջան տեղափոխման եւ Ադրբեջանի զինված ուժերում ներգրավման միջոցով:

Արցախի ԱԳՆ ղեկավարը շեշտել է, որ միջազգային հանրությունը չի կարող չեզոք մնալ պատերազմի եւ խաղաղության միջեւ ընտրության հարցում, քանի որ իր անհաղորդությամբ նպաստում է Արցախի ժողովրդի մեկուսացմանը: Իսկ դա հենց այն է, ինչին ձգտում են Ադրբեջանը եւ Թուրքիան, որոնք Արցախի մեկուսացումը դիտարկում են որպես ռազմական դիմակայության եւ ագրեսիայի կարեւոր տարր:

Նախարարը նշել է, որ Արցախի դեմ սանձազերծված ագրեսիայի ժամանակ դիտավորյալ թիրախավորվում են քաղաքացիական բնակչությունը եւ կենսական ենթակառուցվածքները: Ներկայացնելով Արցախում ստեղծված հումանիտար իրավիճակը եւ դրա հասցեագրման ուղղությամբ կառավարության կողմից ձեռնարկվող քայլերը՝ նախարար Մայիլյանն ընդգծել է նաեւ տարբեր միջազգային կազմակերպությունների կողմից Արցախի ժողովրդին անմիջական աջակցության տրամադրման անհրաժեշտությունը:

Մասիս Մայիլյանը շեշտել է, որ ստեղծված իրավիճակում միջազգային հանրությունը պետք է ավելի ակտիվ եւ գործուն քայլեր ձեռնարկի՝ չսահմանափակվելով անհասցե կոչերով, որոնք ցուցադրաբար մերժվում են Ադրբեջանի եւ Թուրքիայի կողմից: Նախարարը կոչ է արել միջազգային հանրությանը ճանաչել Արցախի Հանրապետության անկախությունը որպես արդյունավետ միջոց՝ Ադրբեջանի կողմից սանձազերծած ռազմական ագրեսիան դադարեցնելու, ինչպես նաեւ տարածաշրջանում կայուն խաղաղություն հաստատելու համար։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Ստեփանակերտում Փաշինյանի գիրքը նետել են աղբամանը. սոցցանցերում առաջարկվում է սկսել ֆլեշմոբ՝ «չքվիր» հեշթեգով
Ստեփանակերտում աշխատող լրագրող Ծովինար Բարխուդարյանը ֆեյսբուքյան իր էջում…
Հատուկ նշանակության բժշկական ջոկատը սկսել է ընդունել Լեռնային Ղարաբաղի բնակիչ առաջին պացիենտներին
Տեղի մոտ 70 բնակիչներ բուժօգնության համար դիմել են Ստեփանակերտում տեղակայված ՌԴ ՊՆ Հատուկ նշանակության բժշկական ջոկատի մասնագետներին․․․
Ռուսաստանը Լեռնային Ղարաբաղ հումանիտար օգնություն է տեղափոխել մինչ ցրտերը սկսվելը
Ռուս փրկարարները բազմակողմանի օգնություն են ցույց տալիս կազմակերպություններին, հաստատություններին, այդ թվում՝ ուսումնական հաստատություններին․․․
ԱՄՆ Սենատում կարծում են, որ Վաշինգտոնը պետք է մարդասիրական օգնություն ցուցաբերի Լեռնային Ղարաբաղին
«Մարտական գործողությունները գուցե եւ ավարտվել են, սակայն դրա հասցրած վնասը կշարունակի մարդկանց մահվան հանգեցնել միջազգային հանրության կողմից վճռական գործողությունների բացակայության պայմաններում...
Առանձնացրել ենք 60 ռազմագերի, բռնի անհետացած 40 քաղաքացիական անձ. ԱՀ ՄԻՊ
Հավաքագրված բոլոր տվյալները պարբերաբար փոխանցում ենք պետական ու միջազգային լիազոր մարմիններին...
Վերջին նախադասությունը չկար, որ Արայիկն ու Նիկոլը դավաճան վիժվածքներ են. Միքայել Մինասյանը` Վիտալի Բալասանյանին
Պեդոֆիլի հետ եք ուզո՞ւմ մանկապարտեզ բացել…
Ամենաշատ