News
Լրահոս
News
Հինգշաբթի
Մարտ 28
Տեսնել լրահոսը

Ադրբեջանի զինված ուժերը, դիվերսիոն, ոչ մեծ խմբեր հաճախ ներթափանցում են մերձճակատային բնակավայրեր, այնտեղ լուսանկարում եւ նկարահանում են, լուրեր տարածում այն մասին, որ դրանք իբր գտնվում են իրենց վերահսկողության տակ: Այս մասին հոկտեմբերի 20-ին կայացած ճեպազրույցի ժամանակ հայտարարեց ՀՀ պաշտպանության նախարարության ներկայացուցիչ Արծրուն Հովհաննիսյանը:

Նա նշեց, որ սա առաջին հերթին նախատեսված է ներքին լսարանի համար, բայց շատ հաճախ, ցավոք, դա ազդում է նաեւ հայկականի վրա: «Իրավիճակը կայուն է եւ վերահսկելի: Որոշակի կուտակումները կամ դիվերսիոն գործողությունները չեն նշանակում որոշակի զորքերի առաջխաղացում կամ հաջողություն»,- հավելեց Հովհաննիսյանը:

Նա կոչ արեց չհավատալ եւ չտարածել թշնամու ապատեղեկատվությունը: «Այս մարտավարությունը վերցված է ահաբեկչական խմբավորումներից եւ ուղղված է հակառակորդի վրա հոգեբանական ճնշում գործադրելուն, ուստի խնդրում ենք ձեզ չտրվել այս սադրանքներին»,- եզրափակեց ՊՆ ներկայացուցիչը:

 

!
Այս նյութը հասանելի է նաև   Русский
Տպել
Ամենաշատ