News
Լրահոս
News
Շաբաթ
Նոյեմբեր 28
USD
508.21
EUR
605.94
RUB
6.7
ME-USD
0.01
Տեսնել լրահոսը

Կանադայի հայկական համայնքի ներկայացուցիչները նամակ են հղել Կանադայի վարչապետ Ջասթին Թրյուդոյին՝ կոչով անելով դատապարտել Արցախի դեմ Ադրբեջանի ու Թուրքիայի ագրեսիան եւ ճանաչել Արցախը:

«Հայ-կանադական համայնքը ներկայացնող կազմակերպությունները կոչ են անում ձեզ եւ Կանադայի կառավարությանը դատապարտել Հայաստանի եւ Արցախի դեմ ադրբեջանա-թուրքական ագրեսիան եւ առաջատար դեր ունենալ տարածաշրջանում ամուր խաղաղություն եւ կայունություն հաստատելու գործում:

Այս լայնամասշտաբ ու անհիմն հարձակումը Հայաստանի եւ Արցախի վրա շարունակվում է արդեն չորրորդ շաբաթը, եւ վերջը չի երեւում, չնայած հոկտեմբերի 10-ին ստորագրված եւ ինչպես Հայաստանի, այնպես էլ Ադրբեջանի կողմից համաձայնեցված հրադադարին: Կիրակի՝ հոկտեմբերի 18-ին, Ադրբեջանը կրկին խախտեց հրադադարի ռեժիմը այն բանից հետո, երբ նախօրեին կրկին խոստացել էր այն պահպանել:

Ամենատագնապալին այն է, որ Ադրբեջանը, ոգեշնչված միջազգային հանրության լռությունից, շարունակում է նպատակային հարվածներ հասցնել քաղաքացիական բնակչությանը եւ ենթակառուցվածքային օբյեկտներին, հատկապես Ստեփանակերտում: Այս հարձակումները ռազմական հանցագործություններ են եւ խախտում են միջազգային իրավունքի ամենահիմնական սկզբունքները: Ադրբեջանը չի վարանում նաեւ իր շարքերը համալրել Թուրքիայի կողմից համալրված օտարերկրյա ջիհադիստների վարձկաններով, ինչը էլ ավելի կխորացնի տարածաշրջանում անկայունությունը: Ինչպես կարելի էր ակնկալել, ծանր հումանիտար ճգնաժամ առաջացավ, քանի որ Ադրբեջանը չվարանեց թիրախավորել հիվանդանոցները:

Ողջունելով մինչ օրս Օտտավայի ձեռնարկած բոլոր համարձակ քայլերը՝ հայ-կանադական համայնքի անունից Կանադայի կառավարությանը կոչ ենք անում՝

Ճանաչել Արցախի Հանրապետության անկախությունը` հաստատելով Արցախի ժողովրդավարական ժողովրդի ինքնորոշման եւ ազատ կյանքի անքակտելի իրավունքները՝ խաղաղության եւ բարգավաճման մեջ,

Ճանաչել, որ Ադրբեջանը երբեք չի կարողանա հավակնել Արցախի բնակչությանը եւ տարածքին, որոնք գնդակոծում է մինչ օրս,

Պատշաճ կերպով դատապարտել Ադրբեջանի եւ Թուրքիայի անառարկելի ագրեսիան եւ ռազմական հանցագործությունները,

Շարունակաբար աջակցել Թուրքիա զենքի արտահանման դադարեցմանը,

Անհապաղ եւ լուրջ մարդասիրական օգնություն ցուցաբերել Արցախի խաղաղ բնակչությանը,

Առաջատար դեր խաղալ տարածաշրջանում դաշնակիցներ եւ գործընկերներ ներգրավելու եւ կայուն խաղաղություն ապահովելու հարցում,

Տարածաշրջանային մոտալուտ պատերազմը կանխելու համար անհրաժեշտ է Ադրբեջանի ռազմատենչ գործողությունների խիստ եւ անսասան միջազգային դատապարտում: Բացի այդ, միջազգային հանրությունն այժմ պետք է վերահաստատի ակնհայտ ճշմարտությունը՝ տարածքային ամբողջականության վերաբերյալ որեւէ պահանջ չի կարող առաջադրվել ռմբակոծելով բնիկ բնակչությանը, որը ժողովրդավարական եւ ոչ երկիմաստ կերպով արտահայտել է իր ինքնորոշման եւ անկախության կամքը: Կանադան, որը հայտնի է մարդու իրավունքներին իր պատմական եւ խորը նվիրվածությամբ, կարող է առաջնորդել այս ջանքերը:

Համաշխարհային համավարակի թեժ ժամանակաշրջանում, համագործակցության, խաղաղության եւ միասնության համարյա միաձայն կոչերի ֆոնին, Ադրբեջանը պետք է վերջ տա իր ռազմատենչությանը: Կանադան պետք է գործի հիմա, քանի դեռ շատ ուշ չէ»,- ասվում է նամակում:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Կասկած չունեմ, որ Սոթքի հանքի մի մեծ հատվածը բռնազավթելուց հետո Ադրբեջանի զինուժը մտնելու է նաև Բերձոր. Աշոտ Մելքոնյան
Արդեն երրորդ շաբաթն է լրատվամիջոցներով հարց եմ բարձրացրել, դիմել եմ տարբեր բարձրաստիճան պաշտոնյաների, որպեսզի պարզեմ...
Արա Այվազյանը մոլդովացի գործընկերոջը ներկայացրել է պատերազմի հետեւանքով Արցախում ստեղծված իրավիճակը
Հակամարտության կարգավորման համատեքստում նախարար Այվազյանը վերահաստատեց, որ Հայաստանի համար մնում է առաջնահերթություն Արցախի ժողովրդի իրավունքների լիարժեք եւ արդար իրացումը…
Վերջին լուրերը. տեսանորությունների թողարկում՝ անգլերեն. 27.11.2020
Ի՞նչ են մտածում ռուսաստանցիները ղարաբաղյան հակամարտության մասին
Այն հարցվածները, որոնք կարծում են, որ Անդրկովկասում Ռուսաստանի ազդեցությունը թուլացել է, ասում են, որ Լեռնային Ղարաբաղում իրավիճակը նախկինի պես անկայուն է...
Թուրքն էսօր Վարդենիս չի ասում, այլ Բասարգեչար՝ իրենց լեզվով, ասում է՝ մերն է․ Սոթքի աշխատակից
Ո՞նց եք մտածում թիկունքիդ թշնամին է, դու ու ընտանիքդ էստեղ հանգի՞ստ ես․․․
Արցախցիները քաղցրավենիքով շնորհակալություն են հայտնում ռուս խաղաղապահներին
Ռուս զինվորականներն էլ իրենց շնորհակալությունը հայտնեցին նման ընդունելության կապակցությամբ…