News
Լրահոս
News
Հինգշաբթի
Նոյեմբեր 26
USD
511.69
EUR
609.06
RUB
6.78
ME-USD
0.01
Տեսնել լրահոսը

Ես էլ կասեմ՝ ուշացած էր, պետք էր 20 տարի առաջ ՍՈւ-30 գնել։ Ո՞վ ասաց, որ երկու տարի առաջ, երբ ձեռք բերեցիր ՍՈւ-30-ը հստակ գիտեիր, որ 2020թ․-ին պատերազմ է սկսվելու։ Այս մասին այսօր՝ հոկտեմբերի 21-ին, Սիվիլնեթին տված հարցազրույցում ասաց ՊՆ ներկայացուցիչ Արծրուն Հովհաննիսյանը՝ անդրադառնալով լրագրողի հարցին, թե ըստ որոշ ռազմական փորձագետների՝ վաղաժամ էր մտածել ՍՈւ-30-ի  ձեռքբերման մասին, ունենալով այս տնտեսական հնարավորություններն ավելի լավ էր ՀՕՊ էֆեկտիվ համակարգեր ձեռք բերել։

«Էդ ո՞վ է էդ խելացին, որ հիմա խոսում է 2 տարի առաջ կատարած սխալի մասին այնպիսի ճշգրտությամբ, որ էն ժամանակ որոշում կայացնելիս գիտեր, որ 2020 թվին պիտի պատերազմ լինի»,- ընդգծեց նա։

Հարցին, թե 2 տարին բավարար չէր, որպեսզի ՍՈւ-30-ը հասցնեն այն մակարդակին, որպեսզի գործածեն և օդային գերակայություն ունենան, Արծրուն Հովհաննիսյանն արձագանքեց․

«Իհարկե, բավարար չէր։ Իսկ ո՞վ ասաց, որ եթե դու այլ միջոց ձեռք բերեիր, էդ կարճ ժամանակում կհասցնեիր բավարար մարտական վիճակի բերեիր։ Մենք 2016թ․-ին ձեռքբերված միջոցներ ունենք, որոնք մինչև այսօր լիարժեք  բավարար մարտական վիճակում չեն։ Ամեն միջոց ունի իր մարտունակությանը բերելու, յուրացնելու, այլ զորատեսակներերի հետ ներդաշնակելու ժամանակահատվածը։ Բարդ տեխնոլոգիան հնարավոր չէ 6 ամսում մարտունակ դարձնել, դա անհնար է»,- նշեց ՊՆ ներկայացուցիչը։

 Անդրադառնալով հարցին, թե երեկ Ադրբեջանը տվյալներ և տեսանյութեր հրապարակեց, որ Զանգելանում են, կա՞ն խմբեր, որոնք էլի մտնում, դուրս են գալիս բնակավայրեր, թե՞ կանոնավոր զորքեր են տեղակայված այդ ուղղությամբ, Արծրուն Հովհաննիսյանը նշեց․

«Կան էդպիսի դիվերսիոն խմբեր, որոնք փորձում են ամեն կերպ ներթափանցել աջ ու ձախ, ինչ-որ բնակավայրեր, դրանք կլինեն արդեն գործող, թե նախկինում մնացած բնակավայրեր, որոնք չէին գործում, ստեղծել խուճապ, սեփական հանրությանը կերակրել հաղթանակի միֆերով, մեր հասարակության վրա ազդելով, որ առաջ են եկել։ Առիթից օգտվելով մեր ժողովրդին խնդրում եմ չտրվել էդ մանիպուլյացիաներին»։

Ըստ Արծրուն Հովհաննիսյանի՝ ԻԳԻԼ-ին բնորոշ մարտավարություն է, որն իրենք շատ լավ սովորել են։

Հարցին, թե ինչո՞ւ են մարտերը կենտրոնացված հարավում, Արծրուն Հովհաննիսյանը պատասխանեց, որ դա պայմանավորված է մի քանի հանգամանքով, բայց ամենակարևորը՝ տեղանքն է։

«Համեմատաբար հարթավայրային ուղղություն է, իրենց ձախ կողմից Արաքսի հանգամանքն է, ձախից հարվածի, թևանցման վտանգ չկա»,- ընդգծեց նա։

Տպել
Կարդացեք նաև
Ամբողջը
Վերջին լուրերը. տեսանորությունների թողարկում՝ անգլերեն. 25.11.2020
Ինչո՞ւ զոհերի ցուցակները չեն հրապարակվում․ պարզաբանում են ՊՆ-ից
Պետք է բոլոր մանրամասները ճշտել, նոր հրապարակել․․․
Գերմանիան 2 միլիոն եվրո է հատկացրել ԿԽՄԿ-ին՝ Լեռնային Ղարաբաղում նրա գործունեության համար
Ես ողջունում եմ այն փաստը, որ վեց շաբաթ տեւած կատաղի մարտերից հետո նոյեմբերի 9-ին Հայաստանի եւ Ադրբեջանի միջեւ ձեռք բերվեց զինադադարի պայմանագիր․․․
Վարչապետը ներկայացրել է գերեվարված անձանց հետվարադարձի ուղղությամբ տարվող աշխատանքները
Վարչապետը կրկին տեղեկատվություն է ներկայացրել գերիների փոխանակման, անհետ կորած անձանց հայտնաբերման ուղղությամբ Արցախի Հանրապետության մասնակցությամբ, Ռուսաստանի…
Հիմա հնարավոր է պահել Շուշին, հետ ստանալ Հադրութը. Բագրատյան
Եվ ես կուզենայի Ադրբեջանի հետ քննարկել այսպիսի հարց՝ Լաչինի միջանցքը փոխարինենք Քելբաջարի միջանցքով...
Ռուսաստանում արդեն պատերազմի 10-15-րդ օրը եղել է մի բանաձեւ՝ կեսը մեզ, կեսը՝ Ադրբեջանին. Բագրտյան
Նիկոլ Փաշինյանը մտածել է՝ եթե սենց հանձնեմ, կասեն՝ դավաճան է, ավելի լավ է, թող գան վեկալեն...