Թուրքիայի արտաքին գործերի փոխնախարար Սեդաթ Օնալը հոկտեմբերի 22-ին այցով կժամանի Մոսկվա, որտեղ հանդիպումներ կունենա Սիրիային եւ Լիբիային վերաբերող խնդիրների շուրջ, հաղորդում է ՏԱՍՍ-ը՝ վկայակոչելով Մոսկվայում Թուրքիայի դեսպանատանը:
«Թուրքիայի փոխարտգործնախարարը հինգշաբթի Մոսկվայում հանդիպումներ կանցկացնի Սիրիայի եւ Լիբիայի հարցերով»,- ասացին դիվանագիտական առաքելությունից:
Օնալը գլխավորել է թուրքական պատվիրակությունը Սիրիայի եւ Լիբիայի հարցով բանակցություններում, որոնք տեղի են ունեցել օգոստոսի 31-ին եւ սեպտեմբերի 1-ին Մոսկվայում, ինչպես նաեւ հուլիսի 21-ին եւ 22-ին Անկարայում՝ Լիբիայի կարգավորման շուրջ միջգերատեսչական խորհրդակցություններում:
