News
Լրահոս
News
Երեքշաբթի
Մարտ 19
Տեսնել լրահոսը

Թուրքական կողմի հայտարարությունները հետապնդում են Ղարաբաղի հիմնախնդրով բանակցային գործընթացի կարգավորման հարցում Ռուսաստանին խանգարելու նպատակ։ Այս մասին հայտարարեց քաղաքագետ Ստանիսլավ Տարասովը՝ NEWS.am-ի խնդրանքով մեկնաբանելով Թուքիայի փոխնախագահ Ֆուաթ Օքթայի հայտարարությունը, որը հաստատել էր Անկարայի պատրաստակամությունը Ադրբեջան զորք ուղարկել Բաքվի համապատասխան դիմումի դեպքում։

Փորձագետն արձանագրեց ակտիվ դիվանագիտական բանակցությունները՝ հիշեցնելով, որ Մոսկվայում հանդիպումներից հետո Հայաստանի եւ Ադրբեջանի ԱԳ նախարարները գնում են Վաշինգտոն ԱՄՆ պետքարտուղարի հետ հանդիպելու։ «Կա Լավրովի եւ Պոմպեոյի ընդհանուր դիրքորոշում՝ Թուրքիան չպետք է մասնակցի բանակցային գործընթացին։ Նույն կերպ են կարծում նաեւ ֆրանսիացիները։ Եթե համանախագահները հանդես գան համառ պահանջով, Ադրբեջանը ստիպված կլինի համաձայնվել որոշ պայմանների»,- նշեց փորձագետը։ Նրա խոսքով՝ Թուրքիան Ադրբեջանին դրդում է ռազմական գործողությունների, որ ճակատային գիծն անկայուն լինի, եւ հավակնում է բանակցային գործընթացում հիմնական դերի՝ փորձելով հաստատվել Կովկասում։

Ինչո՞ւ Թուրքիան վճռեց ագրեսիայի դիմել։ «Շատ լուրջ հարց է՝ կապված համաշխարհային իրավիճակի, ԱՄՆ նախագահական ընտրությունների հետ։ Հավանաբար, սխալ են հաշվարկել Ռուսաստանի դիրքորոշումը։ Մեծ թվով գործոններ կան, որոնք պետք է վերլուծել»,- նշեց Ստանիսլավ Տարասովը։ Նա միաժամանակ արձանագեց, որ ստեղծված իրավիճակում ՆԱՏՕ-ի գործոնը որեւէ դեր չի խաղում։

Ի պատասխան ռուսական կողմի մասնակցության հնարավորությանն առնչվող հարցին՝ փորձագետը հիշեցրեց, որ Ղարաբաղն, ի տարբերություն Հայաստանի, «մեր պատասխանատվության գոտին չէ»։ «Եթե մենք սկսենք Ղարաբաղով զբաղվել, այդ ժամանակ, կներեք, դա կլինի մեր, այլ ոչ թե ձեր Ղարաբաղը»,- հավելեց Տարասովը՝ համաձայնվելով, որ Ռուսաստանի հիպոթետիկ միջամտությունը, անկասկած, պոտենցիալ կմեծացնի ռազմական գործողությունների աշխարհագրությունը։

Որեւէ մեկին հարկավո՞ր է իրադարձությունների զարգացման նման տարբերակը։ «Միանգամայն հնարավոր է։ Բայց եթե խաղի մեջ մտնեն Թուրքիան, Ռուսաստանը, Իրանը, արաբական երկրները, երկու կողմերը, որոնք տանուլ կտան ամբողջությամբ ամեն ինչ, կլինեն Ադրբեջանը եւ Հայաստանը»,- ամփոփեց քաղաքագետը։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Թուրքիան 2020-ի Ադրբեջանի ագրեսիան անվանել է «հնարավորություն» խաղաղության և կայունության համար
Նրա խոսքով, կողմերը պայմանավորվել են խորացնել Թուրքիայի հաջող համագործակցությունը Ադրբեջանի և...
Երևանի և Բաքվի միջև միմյանց դեմ միջազգային դատական ​​հայցերը հետ կանչելու համաձայնություն չկա. Միրզոյան
Քննարկվում են տարբեր տարբերակներ...
Դպրոցներ կային՝ մեզ ագրեսիվ դիմավորեցին, մի տեղ ասացին՝ կարող ա դուք մուսուլման եք. զոհվածի հայր
Մենք 7 հոգանոց տարբեր խմբեր էինք կազմել, որպեսզի այցելենք դպրոցներ, սակայն…
Այս պահի դրությամբ 23 մարդ դեռեւս պահվում է անազատության մեջ Բաքվում. Արարատ Միրզոյան
2023 թվականի հենց առաջին օրից մենք արդեն ունենինք շատ կոնկրետ իրավիճակ՝...
«Փաշինյանը 2018–ին խոստացել էր վերադարձնել տարածքները».Ալիև
«Բայց, ցավոք, 2019-ին Հայաստանի նոր ղեկավարությունը բացարձակապես անընդունելի առաջարկներ արեց»․․․
Զոհված զինծառայողների ընտանիքները փոխնակ մոր ծառայությունից կարող են օգտվել նաև 2-րդ անգամ, եթե ընտանիքում կա 2 զոհված
Կառավարությունն իր այսօրվա՝ մարտի 14-ի նիստում ընդլայնեց զոհված...
Ամենաշատ