Մենք պետք է ինչ-որ լուծումների գալ: Բայց այս շրջանում ես արագ դիվանագիտական լուծումը իրական չեմ համարում: Այս մասին «Ինտերֆաքս»-ին տված հարցազրույցում հայտարարել է ՀՀ վարչապետ Նիկոլ Փաշինյանը:
Պատասխանելով այն հարցին, թե ի՞նչ է նշանակում նրա հայտարարությունը, որ գոնե այս փուլում ղարաբաղյան հարցը չունի դիվանագիտական լուծում, Փաշինյանը նշել է. «Հակամարտության գոտում հրադադարի համաձայնագրերը առնվազն երկու անգամ խափանվել են: Իհարկե, Ադրբեջանը դրանում մեղադրում է հայկական կողմին՝ ասելով, որ հենց մենք ենք խախտել պայմանավորվածությունը: Բայց մենք գիտենք, թե որտեղ է ճշմարտությունը: Դիվանագիտական լուծումը նշանակում է փոխզիջում: Խնդիրն այն է, որ բանակցային ողջ գործընթացի եւ, մասնավորապես, վերջին տարիների բանակցային գործընթացի պատմությունը ցույց է տվել, որ եթե Հայաստանը հայտարարի, որ իր համար ընդունելի է այս կամ այն փոխզիջումը, ինչը, կարծես, նախկինում ընդունելի էր նաեւ Ադրբեջանի համար, նրա համար այս փոխզիջումն անմիջապես անընդունելի է դառնում: Այն պահին, երբ Հայաստանը հայտնում է իր պատրաստակամությունը փոխզիջման, Ադրբեջանը ավելին է պահանջում: Եվ սա շարունակվում է երկար ժամանակ: Քանի դեռ Ադրբեջանի այս դիրքորոշումը չի փոխվել, դիվանագիտական լուծման մասին խոսելն անիրատեսական է: Բայց Ադրբեջանի այս դիրքորոշումը փոխելու համար անհրաժեշտ է դիվանագիտական աշխատանք: Եվ ես շատ բարձր եմ գնահատում ԵԱՀԿ Մինսկի խմբի համանախագահների ու, մասնավորապես, Ռուսաստանի ջանքերը»:
Հստակեցնող հարցին, այսպիսով, այս փուլում կարո՞ղ ենք փաստել, որ դիվանագիտական աշխատանքը շարունակվում է եւ կշարունակվի, Փաշինյանն ասել է. «Այո, իհարկե»: «Մենք պետք է արագ որոշումներ կայացնենք: Բայց այս ընթացքում, մանավանդ Մոսկվայում եւ Ֆրանսիայի նախագահի նախաձեռնությամբ կայացած երկու խափանված պայմանավորվածություններից հետո, երբ կարծես թե ամեն ինչ համաձայնեցված էր, ես իրատեսական չեմ համարում արագ դիվանագիտական լուծումը: Բայց սա չի նշանակում, որ ես դա չեմ ուզում, ես պատրաստ չեմ բոլոր անհրաժեշտ ջանքերը ներդնել սրա մեջ: Սա Ադրբեջանի դիրքորոշման իմ օբյեկտիվ գնահատականն է: Ավելին, սա ոչ այնքան Ադրբեջանի, որքան Թուրքիայի դիրքորոշումն է, որն արտացոլվում է Ադրբեջանի դիրքորոշման միջոցով»:
