News
Լրահոս
News
Երեքշաբթի
Մարտ 19
Տեսնել լրահոսը

Կոնգրեսական Ֆրենկ Փալոնեն եւ ԱՄՆ Ներկայացուցիչների պալատի 30 անդամներ կներկայացնեն բանաձեւ, որը Արցախի Հանրապետության միջազգային ճանաչման կոչ է անում՝ որպես Կովկասյան տարածաշրջանում կայուն խաղաղության հիմք, հայտնում է Ամերիկայի Հայ դատի հանձնախումբը (ANCA)։

Բանաձեւում նաեւ դատապարտվում են Հայաստանի եւ Արցախի Հանրապետության վրա Ադրբեջանի ու Թուրքիայի շարունակվող հարձակումները, Ադրբեջանին ռազմական օգնության կրճատման, ԵԱՀԿ-ի միջնորդությամբ շարունակվող խաղաղ բանակցություններին Արցախի ուղիղ մասնակցության կոչ է պարունակվում, ինչպես նաեւ ավելի լայն իմաստով կոչ ԱՄՆ-ի եւ Արցախի Հանրապետության միջեւ ուղեւորությունների ու հաղորդակցության սահմանափակումների թուլացման մասին։

Բանաձեւը ներկայացվելու է ուրբաթ՝ հոկտեմբերի 23-ին, որը համընկնում է Հայաստանի եւ Ադրբեջանի ԱԳ նախարարների հետ պետքարտուղար Մայք Պոմպեոյի հանդիպումներին։

«Ներկայացուցիչների պալատի համար չափազանց կարեւոր է Արցախին եւ նրա ժողովրդի անկախության ձգտմանը աջակցության վճռական ազդակ ուղարկել՝ հատկապես Հայաստանի ու Ադրբեջանի ԱԳ նախարարների եւ պետքարտուղար Պոմպեոյի միջեւ կարեւոր հանդիպումների նախօրեին,- ասել է Փալոնեն։ - Միջազգային հանրությունը չափից ավելի երկար ենթարկվեց Ադրբեջանի եւ Թուրքիայի ճնշմանը՝ անտեսելով նրանց մշտական վերամբարձ հռետորաբանությունը, երկար տարիներ շարունակ ռազմական հզորության աղաղակող մեծացումը։ Քանի որ այս արյունահեղ հակամարտությունը շարունակվում է, կարծում ենք ժամանակն է միջազգային ասպարեզում վերջապես ճանաչելու Արցախի անկախության օրինական պահանջը եւ պաշտոնապես ճանաչելու նրա ժողովրդի ինքնորոշման իրավունքը»։

«Այս բանաձեւն արտացոլում է Հարավային Կովկասում ընթացիկ իրավիճակը եւ այս դժվար ժամանակում Արցախի ժողովրդին Կոնգրեսի աջակցության ցուցադրման կարեւոր քայլ է։ Միացյալ Նահանգները պետք է հանձնառու լինի Արցախում շարունակվող ռազմական գործողությունների անհապաղ դադարեցմանը։ Մենք ընթացքում պետք է նաեւ համարձակ քայլեր ձեռնարկենք Ադրբեջանին եւ Թուրքիային իրենց ագրեսիայի պատճառով պատասխանատվության ենթարկելու եւ մշտական լուծում մշակելու համար, որը կլուծի Արցախի կարգավիճակը եւ անվտանգության հարցերը։ Այս բանաձեւի ներկայացումը մեզ կօգնի այդ ճանապարհին»,- նշել է նա։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Թուրքիան 2020-ի Ադրբեջանի ագրեսիան անվանել է «հնարավորություն» խաղաղության և կայունության համար
Նրա խոսքով, կողմերը պայմանավորվել են խորացնել Թուրքիայի հաջող համագործակցությունը Ադրբեջանի և...
Երևանի և Բաքվի միջև միմյանց դեմ միջազգային դատական ​​հայցերը հետ կանչելու համաձայնություն չկա. Միրզոյան
Քննարկվում են տարբեր տարբերակներ...
Դպրոցներ կային՝ մեզ ագրեսիվ դիմավորեցին, մի տեղ ասացին՝ կարող ա դուք մուսուլման եք. զոհվածի հայր
Մենք 7 հոգանոց տարբեր խմբեր էինք կազմել, որպեսզի այցելենք դպրոցներ, սակայն…
Այս պահի դրությամբ 23 մարդ դեռեւս պահվում է անազատության մեջ Բաքվում. Արարատ Միրզոյան
2023 թվականի հենց առաջին օրից մենք արդեն ունենինք շատ կոնկրետ իրավիճակ՝...
«Փաշինյանը 2018–ին խոստացել էր վերադարձնել տարածքները».Ալիև
«Բայց, ցավոք, 2019-ին Հայաստանի նոր ղեկավարությունը բացարձակապես անընդունելի առաջարկներ արեց»․․․
Զոհված զինծառայողների ընտանիքները փոխնակ մոր ծառայությունից կարող են օգտվել նաև 2-րդ անգամ, եթե ընտանիքում կա 2 զոհված
Կառավարությունն իր այսօրվա՝ մարտի 14-ի նիստում ընդլայնեց զոհված...
Ամենաշատ