News
Լրահոս
News
Կիրակի
Նոյեմբեր 29
USD
508.21
EUR
605.94
RUB
6.7
ME-USD
0.01
Տեսնել լրահոսը

Թուրքիան ավելի ու ավելի է ներքաշվում Ռուսաստանի կողմից աջակցվող ուժերի դեմ պրոքսի կոնֆլիկտներում, եւ նրա հաջողությունը նվաստացնում է ՌԴ նախագահ Վլադիմիր Պուտինին, գրում է Business Insider-ը:

Բոլորովին վերջերս Թուրքիան Ռուսաստանի կողմից աջակցվող Հայաստանի դեմ սատարեց Ադրբեջանին: Թուրքիան Ադրբեջանի դաշնակիցն է, իսկ Ռուսաստանն աջակցում է Հայաստանին եւ Հայաստանում ռազմաբազա ունի:

Ռազմական վերլուծաբանները կարծում են, որ Թուրքիայի աճող հանդգնությունը բխում է նրանից, որ նախագահ Թայիփ Էրդողանը գործում է ինչպես Պուտինը: «Էրդողանն ավելի շատ Պուտին է դարձել, քան հենց ինքը՝ Պուտինը»,-ասել է Մերձավոր Արեւելքի հարցերով ՆԱՏՕ-ի ռազմական վերլուծաբանը:

Փորձագետները կարծում են, որ Էրդողանին ոգեշնչել է այն, թե որքան քիչ դիմադրություն ցուցաբերեց Արեւմուտքը Պուտինի նկատմամբ Սիրիայում եւ Լիբիայում երկարաժամկետ ներկայության համար, ինչպես նաեւ Ուկրաինայի իրավիճակի հարցով: Վերջին մեկ տարում Թուրքիան եւս ներգրավվեց Սիրիայում եւ Լիբիայում կոնֆլիկտներին:

«Էրդողանը նայում է դրոնների իր էժան, սակայն արդյունավետ ծրագրին եւ մտածում՝ ինչո՞ւ նույնը չանել: Այդ ռազմավարությունն առավել արդյունավետ է դառնում հենց այնտեղ, որտեղ Պուտինն անձամբ է դա կիրառում»,-ասել է վերլուծաբանը:

Աղբյուրը նկատի է ունեցել Թուրքիայի կողմից հայրենական արտադրության  էժան անօդաչուների տեղակայումը, որոնք կարողացել են ոչնչացնել մեծ թվով թանկարժեք զրահամեքենաներ: Թուրքիան դրոններ է օգտագործել նաեւ Լեռնային Ղարաբաղում:

Ավելի վաղ այս տարի Ռուսաստանը զենք ուղարկեց եւ օդային աջակցություն Լիբիայում դաշտային հրամանատար Խալիֆա Խաֆթարի ուժերին:

Այդ ժամանակ Պուտինն ու Եգիպտոսում եւ ԱՄԷ-ում նրա դաշնակիցները կարծում էին, թե գնում են դեպի հաղթանակ, ինչը կհանգեցնի շահավետ նավթային գործարքների, երկարաժամկետ ռազմական ներկայության եւ բարեկամական կառավարության ստեղծման աշխարհի առանցքային հատվածում:

Սակայն Թուրքիան եւս հնարավորություն տեսավ սեփական դերը խաղալու եւ ուժեր ուղարկելու համար՝ հաջակցություն Տրիպոլիի կառավարության, ինչը վերջին հաշվով կանգնեցրեց Ռուսաստանին եւ ստիպեց դադարեցնել կրակն ու բանակցություններ վարել:

Անցած տարի հոկտեմբերին թուրք զինվորականներն առաջին անգամ մտան սիրիական Իդլիբ, որպեսզի արագացնեն Ռուսաստանի կողմից աջակցվող կառավարական զորքերի հարձակումը:

Փոխհրաձգությունից մի քանի շաբաթ անց, կրկին անօդաչուների միջոցով, թուրքերը դադարեցրեցին սիրիական հարձակումը:

«Էրդողանը կարող է իրեն թույլ տալ ռիսկի դիմել դրոններով եւ վարձկաններով, որոնց նա ընտրում է սիրիական տարբեր խմբավորումներից, եւ ամեն անգամ դա աշխատում է. կա որոշակի քննադատություն ՆԱՏՕ-ի կողմից եւ մի քանի հեռախոսազանգեր, սակայն ոչ ոք ոչինչ անել չի պատրաստվում:

Լիբիայում եւ Սիրիայում Թուրքիայի էժան հաջողությունը միայն թեթեւացրեց Ադրբեջանի կողմից նրա միջամտությունը Լեռնային Ղարաբաղում: Թուրքերը տեսնում են, որ դա աշխատում է Մերձավոր Արեւելքում, եւ մտածում են, որ դա անվիճելի իրավիճակ է: Նրանք նախկին Խորհրդային Միությունում «անվճար» պատերազմ են սկսել, եւ դա Պուտինին կխելագարեցնի:

Միեւնույն ժամանակ, Ռուսաստանը սահմանափակել է իր արձագանքը կոնֆլիկտին: Չնայած տեխնիկապես նա կապված է Հայաստանի հետ պաշտպանական համաձայնագրով, նա լավ հարաբերություններ ունի նաեւ Ադրբեջանի հետ»,-ասել է վերլուծաբանը:

Freedom House-ի հատուկ հետազոտությունների հարցերով տնօրեն Նեյթ Շենկքանը Թվիթթերի իր էջում գրել է, որ «Թուրքիան՝ միջամտելով ԼՂ հակամարտությանը, կարծես, որոշել է անտեսել միջազգային քննադատություններն ու կարճաժամկետ պատժամիջոցները՝ արկածախնդրություն, որին բազմիցս դիմել է Պուտինը»:

«Չնայած նրան, որ Թուրքիայի այդ  ագրեսիայի երկարաժամկետ հետեւանքները դեռ պարզ չեն, ակնհայտ են Մերձավոր Արեւելքում եւ Կովկասում Պուտինի ծրագրերի կարճաժամկետ հետեւանքները: Ռուսաստանը դեռ չի կարող արգելել Թուրքիային օգտագործել իր էժան անօդաչուները, քանի որ Պուտինը խնդիրներ կունենա: Էրդողանին, ինչպես Պուտինին, քիչ է մտահոգում, թե ինչ է մտածում աշխարհը, եւ այս պահին նա հետ է գցել 2020 թվականին Պուտինի ծրագրերի մեծ մասը»,-կարծիք է հայտնել ՆԱՏՕ-ի վերլուծաբանը:   

!
Այս նյութը հասանելի է նաև   Русский
Տպել
Կարդացեք նաև
Ամբողջը
2018 թվականի դրությամբ Ղարաբաղի հարցը փակուղում էր, որից միայն մեկ ելք կար՝ տարածքների անվերապահ հանձնում. Փաշինյան
Մադրիդյան սկզբունքներով, որ հայկական կողմը 2007 թվականին ընդունել է որպես բանակցությունների հիմք. այդտեղ հստակ ասվում է, որ ԼՂ բնակչությունը պետք…
Ղարաբաղում Ռուսաստանի ԱԻՆ-ն ավարտել է խմբավորման երկարաժամկետ տեղակայման համար ճամբարի կազմակերպումը
Փրկարարների ճամբարում տեղակայված է բուժկետ, որտեղ կան անհրաժեշտ դեղամիջողներն ու որակավորված մասնագետներն առաջին օգնություն ցուցաբերելու, ինչպես նաեւ անձնակազմին եւ անհրաժեշտության դեպքում քաղաքացիական բնակչությանը պոլիկլինիկական ծառայություններ մատուցելու համար…
Պատգամավորը Նիկոլ Փաշինյանին հարցում է ուղարկվել Արցախը հանձնելու մասին փաստաթղթի վերաբերյալ
Կա՞ արդյոք կառավարության համապատասխան որոշում տվյալ տարածքների և դրանց հանձնման ժամկետների վերաբերյալ…
Արցախի կառավարության օպերատիվ շտաբը տեղեկացնում է հատուցումների կարգի վերաբերյալ
Տեղեկացնում ենք, որ չկա որևէ ժամկետ հատուցման դիմում ներկայացնելու համար…
Ավելի քան 60 ռուս բժիշկ է ժամանել Ստեփանակերտ
Արեւելյան զինվորական շրջանի հատուկ նշանակության բժշկական ջոկատի առաջին ստորաբաժանումները ժամանել են Լեռնային Ղարաբաղի մայրաքաղաք Ստեփանակերտ տեղի բնակչությանը բժշկական օգնություն ցուցաբերելու համար…
Անտերության ենք մատնվա՞ծ. Զինվորների դիերը դուրս բերելիս վիրավորված հայ փոխգնդապետին ադրբեջանցին է օգնել
Մատաղիսում իր զինվորների դիերը դուրս բերելիս, ականի պայթյունից վիրավորում ստացած ՊԲ փոխգնդապետն իմ ամուսինն է, որին ադրբեջանցի զինծառայողն առաջին օգնություն է ցուցաբերել ու իր մեքենայով հասցրել մինչև մեր սահման...