News
Լրահոս
News
Շաբաթ
Հուլիս 02
USD
407.95
EUR
426.35
RUB
7.46
Տեսնել լրահոսը


Այս փուլում բանակցություններն ավելորդ են, բոլոր ժամանակներում էլ մենք բանակցությունների կգնանք. մենք հաղթողի դիրքերից ենք բանակցելու։ Այս մասին այսօր՝ հոկտեմբերի 23-ին, հրավիրված ասուլիսի ժամանակ ասաց «Արծիվ մահապարտների միություն» ՀԿ ղեկավար, գեներալ-մայոր Աստվածատուր Պետրոսյանը։

«5-րդ սերնդի պատերազմ է։ Միացել է նաեւ թուրքական բանակը՝ իր ղեկավար ամբողջ կազմով, սկսած պաշտպանության նախարարից։ Պատերազմի ամբողջ ղեկավարումը վերցված է թուրքական բանակի վրա։ Թուրքական բանակ, որն ունի միլիոն ու կես զորք եւ հայ-թուրքական սահմանի վրա տեղակայել է 3 բանակ։ Մենք չենք օգտագործում ստրատեգիական զենքեր, բայց իրենք օգտագործում են։ Երբ հաշվում ենք, մոտ 600 զրահատեխնիկա արդեն սպառված պետք է լիներ, 5000-ից ավելի անօդաչու սարքեր։ Մեր զորականները կարողացել են հետ մղել եւ տասնյակ անգամ մեծ կորուստներ պատճառել»,- ասաց գեներալ-մայոր Աստվածատուր Պետրոսյանը։

Աստվածատուր Պետրոսյանը նշեց, որ մենք այս պատերազմում փորձառություն ունեցանք գրեթե 30 օր. «Ինչքան կենդանի միս ունեն, նետել են ճակատ եւ այդ կենդանի մսերը սպառնում են մեր անվտանգությանը, ավերում են մեր շեներն ու քաղաքները, խաղաղ բնակչության հետ հաշվի չեն նստում՝ ոչ իրենց, եւ ոչ՝ մեր»։

Խոսելով Ադրբեջանին սպառազինող Իսրայելի մասին՝ գեներալ-մայորն ասաց. «Ոչ մի հումանիտար հրադադար, ոչ մի եվրոպական, ամերիկյան, կամ համաշխարհային տիեզերական սպառնալիքներ եւ ընդունած բանաձեւեր չեն գործում: Գործում է միայն Էրդողան-ահաբեկիչ եւ Էրդողան-բանդա՝ Հորդանանից մինչեւ Պակիստան, ինչպես նաեւ, որքան էլ զազրելի է, իսրայելական մասնակցությամբ դաշնակիցներ, որոնց մասին կյանքում չէինք մտածի: Այն ժողովրդին, որ ժամանակին՝ թե՛ Հայրենական պատերազմի եւ թե՛ կոտորածների ժամանակ փրկել եւ անհայտ պահել են մեր հայրերը, ինչպես Դրոն մի մասին ուրիշ անձնագրերով տարավ Ամերիկա եւ փրկեց գերմանացիների ձեռքից, այսօր կարող են ձեռք բարձրացնել եւ ասել, թե իրենց հողն է, իրենք պիտի վերցնեն՝ չիմանալով, թե իրենց հողը որն է»։

Նա նշեց, որ եթե հրեական կապիտալը դուրս գա պատերազմներից, ոչ մի պատերազմ չի լինի. «Մեր ժողովուրդը մեծ գործ ունի անելու, ունենալով այս դառը փորձը, ունենալով 19-20 տարեկանների զոհողությունների գնով պաշտպանած սահմանների թափած արդար արյունը, պետք է ամրացնենք հավատը մեր սուրբ գործին»։

Նա պատմեց, որ իր ընտանիքում արդեն կորցրել է 3 զինվոր եւ 2 հրամանատար. «Նրանցից մեկը քրոջս տղան՝ Վահագն Ասատրրյանն է, որն Ազգային հերոսի կոչում ստացավ»։

Անդրադառնալով խաղաղապահների տեղակայման հարցին՝ Աստվածատուր Պետրոսյանն ասաց. «Նրանք գտնվում են օտար հողի վրա եւ դրա ծանրությունը չեն զգալու։ Մենք ինքներս կկանգնենք եւ ամրոց կդառնանք։ Այդ պատն ինքներս կկառուցենք եւ երբեւէ պետք չի լինելու այդ գույնի պատ։ Այդ պատի տակ պիտի նստեն Ստամբուլը, Անկարան ու երազեն, որ այս կասկաները կգան եւ իրենց կպաշտպանեն»։

Անդրադառնալով «Արծիվ մահապարտների միության» այս օրերի կորուստներին՝ Աստվածատուր Պետրոսյանն ասաց, որ 100 հոգանոց մահապարտների գումարտակը տվել է 5 զոհ եւ 3 անհետ կորած. «Այնտեղ կան նաեւ մեզ հետ մարտնչած կամավորներ, երկրապահներ, հադրութեցիներ եւ այլ վայրերից եկած հայեր։ Նույնիսկ Արկադիան, որի մի մասը չկա, տեսողությունը 20 տոկոս է, երեկ փախել էր հիվանդանոցից, որ գնար առաջնագիծ, որտեղ իր որդին է կռվում»։

Աստվածատուր Պետրոսյանը հորդորեց «Հայաստան» համահայկական հիմնադրամին գումարներ փոխանցելուց բացի նաեւ զինվորագրվել եւ պաշտպանել հայրենիքը։

!
Այս նյութը հասանելի է նաև   English
Տպել
Կարդացեք նաև
Ամբողջը
Լաչինի միջանցքը իրավական ռեժիմ է, իսկ այս նորը սոսկ ճանապարհ է, ոչ ոք այն միջանցք չի կոչում. Արցախցի պատգամավոր
Ոչ Հայաստանի, ոչ Արցախի իշխանությունները չեն հայտարարել, որ նոր ճանապարհը լինելու է միջանցք...
Պատերազմում պարտության պատճառներից մեկը հենց այն էր, որ դավաճանական քայլեր են եղել. Դավիթ Գալստյան
Ես չեմ կարող ենթադրություններով առաջնորդվել, մանավանդ այդ լրտեսական ցանցի բացահայտման առումով, բայց գոնե ողջունելի է, որ սկսվում է բացահայտվել…
Բերձոր հատուկ գնացած քաղաքացիները քոչարի են պարում
Այցի նախաձեռնողների մեջ է բերձորցի, պատմական գիտությունների թեկնածու, թյուրքագետ Վարուժան Գեղամյանը...
ԵՄ հատուկ ներկայացուցիչը ողջունել է «խաղաղ ապագային» ուղղված Երեւանի եւ Բաքվի ջանքերը
«Հայ-ադրբեջանական հարաբերությունների ապագայի վերաբերյալ քննարկումներն ուղեկցվում են բազմաթիվ մարտահրավերներով եւ բուռն հույզերով...
«Ես հիմա չեմ պատրաստվում պատասխանել այդ հարցին». Վլադիմիր Վարդանյանը՝ Բերձորը հանձնելու մասին
Ես չգիտեմ՝ որտեղից եք դուք լսել նման բան...
Ժամկետային զինծառայող Հրաչիկ Փիլիպոսյանը հետմահու պարգեւատրվել է Մարտական ծառայության մեդալով
Հիմք ընդունելով վարչապետի միջնորդությունը՝ համաձայն Սահմանադրության 136-րդ հոդվածի, ինչպես նաև «Հայաստանի Հանրապետության…
Ամենաշատ
Ֆոտոռեպորտաժներ