News
Լրահոս
News
Հինգշաբթի
Հոկտեմբեր 28
Տեսնել լրահոսը


Վերջին օրերին ինտենսիվորեն ադրբեջանական սոցիալական մեդիայում տարածվում են տարբեր լուսանկարներ ու տեսանյութեր, որոնք հիմնականում լինում են ոչ կեղծ տվյալներ եւ դրանցում տարբեր տիպի պատերազմական հանցագործություններ են ներկայացված լինում: Այս մասին այսօր՝ հոկտեմբերի 24-ին, լրագրողների հետ հանդիպման ժամանակ նշեց Արցախի մարդու իրավունքների պաշտպան Արտակ Բեգլարյանը:

«Դիակների ու ռազմագերիների հանդեպ անմարդկային վերաբերմունքի դեպքեր, գլխատման դեպքեր, նաեւ ռազմագերիներին հանրային հետաքրքրության առարկա դարձնելու դեպքեր: Նաեւ վերջին 2 օրում հրապարակված տեսանյութերից ակնհայտ է, որ նրանք ռազմագերիների հանդեպ կիրառում են ճնշման միջոցներ՝ ֆիզիկական եւ հոգեբանական, որպեսզի նրանց օգտագործեն ադրբեջանական քարոզչական թեզերը ներկայացնելու համատեքստում, ինչը միանշանակ անընդունելի է, կրկին խախտում է Ժնեւյան կոնվենցիայի, միջազգային մարդասիրական իրավունքի դրույթները»,-ասաց նա:

Այս տեսանկյունից, ըստ Արտակ Բեգլարյանի, շատ կարեւոր է, որ միջազգային հանրությունը պատշաճ ուշադրություն դարձնի այդ դեպքերի վրա, որպեսզի կանխարգելի հետագա խախտումները, նաեւ երաշխավորի ռազմագերիների իրավունքների պաշտպանությունը Ադրբեջանում, նաեւ հայ զինծառայողների դիակների նկատմամբ բացառվեն հետագա ոտնձգությունները:

Նա հիշեցրեց, որ Ադրբեջանն արդեն երկու անգամ հրաժարվել է հրադադարի պայմանները պահպանելուց, որի հետեւանքով բազմաթիվ հայ ու ադրբեջանցի զինծառայողների դիակներ հնարավոր չի լինում մարտի դաշտից տեղափոխել, նաեւ փոխանակել ու հասցնել իրենց ընտանիքներին. «Սա անմարդկային վերաբերմունք է այդ դիակների հանդեպ: Այստեղ էլ մենք հետեւություններ ունենք անելու, նաեւ միջազգային հանրությունը: Տպավորություն կա, որ Ադրբեջանը միտումնավոր չի համաձայնում մարդասիրական հրադադարի պահպանմանը, որովհետեւ ունի բազմաթիվ զոհեր եւ չի ցանկանում, որ այդ զոհերը հասնեն իրենց ընտանիքներին, որը կարող է մեծ ռեզոնանս առաջացնել ադրբեջանական հասարակության մեջ»,-ասաց նա:

Արտակ Բեգլարյանը խոսեց նաեւ մեկ այլ միտման մասին, ըստ որի Ադրբեջանը փորձում է թիրախավորել կենսական նշանակության ճանապարհները եւ այլ ենթակառուցվածքներ, որպեսզի խորացնի հումանիտար աղետը Արցախի բնակչության շրջանում:

«Երեկ էլ հրետանային միջոցներով թիրախավորել են Բերձոր քաղաքը: Փորձում են ինչ-որ ձեւով կրակի տակ պահել Հայաստանը Արցախին կապող ճանապարհը, որպեսզի հնարավորինս խաթարեն հաղորդակցությունը երկու հանրապետությունների միջեւ»,-ասաց նա:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Նախարար. Ղարաբաղյան 44-օրյա պատերազմի 200 մասնակիցների համար ծրագրավորման դասընթացներ են բացվել
Բարձր տեխնոլոգիական արդյունաբերության նախարարությունը եւ Բարձր տեխնոլոգիական ձեռնարկությունների միությունը․․․
Բաքվի բռնապետը հայտնվել է իր իսկ լարած ծուղակում. Վարդան Ոսկանյան
«Նահատակության գաղափարը օգտագործվելու է հենց Բաքվի բռնապետի դեմ պայքարում»…
Պահանջում եմ 24 ժամում հրապարակել պատերազմի օրերին Փաշինյանի հետ կայացած հանդիպումների ձայնագրությունները. Սաղաթելյան
«Հերիք է մարդկանց մոլորեցնեք, մեր ժողովուրդը ամեն ինչ պետք է իմանա»…
Ղարաբաղի՝ Բաքվի կողմից օկուպացված տարածքների 72 տոկոսը նախկին իշխանությունների օրոք սակարկության առարկա է եղել. Փաշինյան
Նա նաեւ նշեց, որ ընդդիմությունը հարցեր է տալիս՝ քաջ գիտակցելով, որ...
Սատանովսկի. Մոսկվան Հայաստանի համար առաջ էր քաշում շատ ավելի շահավետ գաղափարներ, քան այն, ինչին ստիպված էին գնալ
Պատերազմից առաջ եւ պատերազմի սկզբում․․․
Փաշինյանը «մեղավորներ» է գտել. Ղարաբաղի սուբյեկտայնության նվազումը գործող ընդդիմության սխալն է, ոչ թե՝ իշխանության
Ըստ վարչապետի՝ դրա մեղավորը բացառապես նախորդ իշխանությունն է․․․
Ամենաշատ