News
Լրահոս
News
Շաբաթ
Նոյեմբեր 28
USD
508.21
EUR
605.94
RUB
6.7
ME-USD
0.01
Տեսնել լրահոսը

Կանադական Bombardier Recreational Products ընկերությունը հայտարարել է, որ դադարեցրել է ավիաշարժիչների մատակարարումն «այն երկրներ, որոնք դրանք անհասկանալի նպատակներով են օգտագործում»` հաղորդումներից հետո այն մասին, որ այդ շարժիչներից մի քանիսն օգտագործվում է Ադրբեջանի կողմից տեղակայված թուրքական մարտական ​​անօդաչու թռչող սարքերում հայկական զինված ուժերի դեմ ռազմական գործողությունների ընթացքում Լեռնային Ղարաբաղում, հաղորդում է CBC հեռուստաալիքը:

Ընկերությունը հայտարարել է, որ անցյալ շաբաթ տեղեկություն է ստացել այն մասին, որ Rotax ընկերության ավստրիական մասնաճյուղում արտադրված ինքնաթիռների որոշ շարժիչներ օգտագործվել են թուրքական Bayraktar TB2 անօդաչու թռչող սարքերում:

«Վերջերս մեզ տեղեկացրին, որ Rotax-ի որոշ շարժիչներ այժմ օգտագործվում են մարտական ​​անօդաչու թռչող սարքերում, եւ մենք անմիջապես մանրակրկիտ հետաքննություն սկսեցինք»,- Radio Canada International-ին ասել է ընկերության ավագ փոխնախագահ Մարտին Լանգելյեն:

«Մենք դադարեցնում ենք ավիաշարժիչների մատակարարումն անհասկանալի կիրառմամբ երկրներ»,- ասել է նա:

Լանգելյեն շեշտել է, որ Rotax ավիաշարժիչներն Ավստրիայում արտադրվում են բացառապես քաղաքացիական նպատակներով եւ սերտիֆիկացված են միայն քաղաքացիական օգտագործման համար:

Կանադան 2019-ի հոկտեմբերին դադարեցրել էր պաշտպանական տեխնոլոգիաների արտահանման մեծ մասը Թուրքիա` Թուրքիայի կողմից Սիրիայի հյուսիս-արեւմուտք ներխուժումից հետո:

Ավստրիայի արտաքին գործերի նախարարության ներկայացուցիչ Գաբրիել Ժյունն իր հերթին հայտարարել է, որ Rotax շարժիչներն օգտագործվում են ավտոմոբիլային սպորտի տարբեր տեսակներում, իսկ անօդաչու թռչող սարքերը կարող են օգտագործվել «տարբեր բացառապես քաղաքացիական նպատակներով»:

«Եվրամիության երկակի օգտագործման ապրանքների ցանկում նշված անօդաչու սարքը որպես երկակի նշանակության ապրանք ներառված չէ: Հետեւաբար, պաշտպանական նշանակության ապրանքների արտահանումը կարգավորող ավստրիական օրենսդրությունը թույլտվություն ստանալ չի պահանջում»,- հայտարարել է գերատեսչության ներկայացուցիչը:

Իր հերթին, զինաթափման հարցերով Project Plowshares կազմակերպության հետազոտող Քելսի Գալահերն ուսումնասիրել է անօդաչու սարքերի տեխնոլոգիայի` Կանադայից Թուրքիա արտահանումը: Հետազոտողի խոսքով` թուրքական մարտական ​​անօդաչու թռչող սարքերում հայտնված Bombardier ավիաշարժիչների հարցը լուրջ թերություններ է բացում զենքի վերահսկման միջազգային ռեժիմներում:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Արա Այվազյանը մոլդովացի գործընկերոջը ներկայացրել է պատերազմի հետեւանքով Արցախում ստեղծված իրավիճակը
Հակամարտության կարգավորման համատեքստում նախարար Այվազյանը վերահաստատեց, որ Հայաստանի համար մնում է առաջնահերթություն Արցախի ժողովրդի իրավունքների լիարժեք եւ արդար իրացումը…
Վերջին լուրերը. տեսանորությունների թողարկում՝ անգլերեն. 27.11.2020
Ի՞նչ են մտածում ռուսաստանցիները ղարաբաղյան հակամարտության մասին
Այն հարցվածները, որոնք կարծում են, որ Անդրկովկասում Ռուսաստանի ազդեցությունը թուլացել է, ասում են, որ Լեռնային Ղարաբաղում իրավիճակը նախկինի պես անկայուն է...
Թուրքն էսօր Վարդենիս չի ասում, այլ Բասարգեչար՝ իրենց լեզվով, ասում է՝ մերն է․ Սոթքի աշխատակից
Ո՞նց եք մտածում թիկունքիդ թշնամին է, դու ու ընտանիքդ էստեղ հանգի՞ստ ես․․․
Արցախցիները քաղցրավենիքով շնորհակալություն են հայտնում ռուս խաղաղապահներին
Ռուս զինվորականներն էլ իրենց շնորհակալությունը հայտնեցին նման ընդունելության կապակցությամբ…
Իրանի եւ Թուրքիայի դեսպաններն Ադրբեջանում քննարկել են իրավիճակը Լեռնային Ղարաբաղում
Ադրբեջանում Իրանի դեսպան Սեյեդ Աբաս Մուսավին եւ նրա թուրք գործընկեր Էրքան Օզորալը Բաքվում ծանոթացել են Լեռնային Ղարաբաղում առկա իրավիճակին...