Հռոմի Ֆրանցիսկոս Առաջին պապը եւ Իսպանիայի վարչապետ Պեդրո Սանչեսը շաբաթ օրը առանց դիմակների հանդիպել են Վատիկանում, որտեղ նախկինում հայտնաբերվել են կորոնավիրուսային վարակի դեպքեր, հայտնում է Associated Press-ը:
Սանչեսը դիմակով է ժամանել Վատիկան: Միաժամանակ լրատվական գործակալությունը նշում է, որ ինչպես պոնտիֆիկի հետ հանդիպումից առաջ, այնպես էլ հետո բոլոր ներկաները առանց դիմակի են եղել:
Վատիկանը հայտնել է, որ Իսպանիայի վարչապետը Հռոմի պապի հետ քննարկել է առողջապահության ներկա վիճակը, եվրոպական ինտեգրման գործընթացները եւ միգրացիան:
