News
Լրահոս
News
Երկուշաբթի
Սեպտեմբեր 27
Տեսնել լրահոսը

Եթե Ղարաբաղում Թուրքիայի «քթին չտանք», ՆԱՏՕ-ն, անշուշտ, կփորձի Ռուսաստանում իրավիճակը Կովկասի միջոցով սասանել, համոզված է Պետդումայի պատգամավոր Ալեքսանդր Շերինը:

Մեկնաբանելով Անկարայի պահվածքը՝ Պետդումայի պաշտպանության հանձնաժողովի նախագահի առաջին տեղակալ Ալեքսանդր Շերինը համոզմունք է հայտնել, որ նրան չպետք է վստահել: «Թուրքիան Ռուսաստանի բարեկամն է միայն այն դեպքում, երբ դա իրեն ձեռնտու է», ինչը հիմնավորված է պատմական իրողություններով,- ասել էնա «ПолитЭксперта»-ի հետ զրույցում։

«Ռուսաստանը պետություն է, որը զրկել է Թուրքիային կայսրության կարգավիճակից: Հակառակ դեպքում, որտեղի՞ց ձեռք բերեցինք Ազով քաղաքը եւ ելքը դեպի Սեւ ծով: Նրանք այդ մասին խոսում են թուրքական դպրոցներում, ունեն պատմական հիշողություն: Եվ եթե ինչ-որ մեկը զարմացած է, թե ինչու է Թուրքիան նման վերաբերմունք ցուցաբերում Ռուսաստանի նկատմամբ, դա պարզապես հանցավոր միամտություն է: Նա միշտ այդպես կվերաբերվի»,- համոզված է պատգամավորը:

Շերինի խոսքով՝ Թուրքիան այժմ փորձում է վերադարձնել Կովկասը, իսկ «Ռուսաստանը եւ ամբողջ աշխարհը զբաղված են նրան հանգստացնելու քաղաքականությամբ»: Պատգամավորը վստահ է, որ նման մեղմությունը Անկարային «ավելի լկտի» կդարձնի․ «Մենք գտնում ենք բազմաթիվ պատճառներ, թե ինչու չենք խառնվում որեւէ հակամարտության: Մենք կարծում ենք, որ Էրդողանը մի փոքր կկատաղի ու կհանգստանա: Բայց Թուրքիայի ցանկացած գործողություն, որը մնում է առանց պատշաճ արձագանքի, ամրապնդում է Էրդողանի վստահությունը, որ ինքն ունի ամենաուժեղ եւ ամենահզոր երկիրը, որ իր բանակը կօգնի վերադարձնել Օսմանյան կայսրության երբեմնի կորցրած բոլոր տարածքները: Փոքր քայլերով նա շոշափում է միջազգային հանրության արձագանքը իր գործողություններին: Թուրքիայի հետ բոլոր մեղմ հարաբերություններն ընկալվում են ոչ թե որպես դիվանագիտական մշակույթ, այլ՝ թուլության դրսեւորում: Եվ հետտագայում ավելի վատ կլինի»:

Պաշտպանության հանձնաժողովի պատգամավորը, ով չեչենական պատերազմում ստորաբաժանման հրամանատար է եղել, հիշեցրել է, որ Ռուսաստանը Հայաստանում ռազմաբազա ունի եւ զգուշացրել է, որ պատշաճ արձագանքի բացակայության դեպքում շուտով Ադրբեջանում կհայտնվի թուրքական բազա, ինչը հավասար է ՆԱՏՕ-ի բազայի։

«Այսինքն՝ ՆԱՏՕ-ն կհայտնվի Կասպից ծովում՝ միակ ծովում, որտեղ դեռեւս չկան դաշինքի նավեր եւ զորքեր: Եվ սա ելք է տարածաշրջան երկու ուղղություններից` Սեւ ծովից եւ Կասպից ծովից, եւ Կովկասով Ռուսաստանում իրավիճակը սասանելու նոր փորձ»,- բացատրել է «ПолитЭксперта»-ի զրուցակիցը:

Շերինը նշել է, որ ինքը պատերազմ չի ցանկանում, սակայն նշել է, որ «երբեմն ավելի լավ է ինչ-որ առանձին հարցում քթին տալ, քան հետո գլոբալ կերպով գլուխ հանել»:

 

!
Այս նյութը հասանելի է նաև   Русский
Տպել
Կարդացեք նաև
Ամբողջը
«Եթե ինքը չլիներ, Արցախը չէր վաճառվի, փաստեր ունեմ և ասելու եմ, Նիկոլ, հողերը ծախել ես». Զոհված զինվորի մայր
Ինքը 5 հազար զոհ չունի, 10-20 ունի, որովհետեւ էդ 5 հազարի հետ ծոնղն էլ է մահացել, եղբայրն էլ, քույրն էլ...
ԼՂ հակամարտության համապարփակ և տևական լուծումը ենթադրում է Արցախի կարգավիճակի որոշումը․ ԱԳՆ
Այսօր մենք գլուխ ենք խոնարհում և հարգանքի տուրք մատուցում արցախյան բոլոր պատերազմներում նահատակված մեր հերոսների հիշատակի առջև, որոնք ընկան...
Հայաստանի նկատմամբ քայլերն Ադրբեջանի հետ համակարգված ենք իրականացնելու. Չավուշօղլու
Ադրբեջանը խաղաղության առաջարկ է արել Հայաստանին...
Կատարվեց հոգեհանգիստ՝ 44-օրյա պատերազմում զոհված քաջորդիների համար
Արարողությանը մասնակցում էին Մայր Աթոռ Սուրբ Էջմիածնի միաբաններ և աշխատակիցներ, բարերարներ, քաղաքական և հասարակական գործիչներ...
Մենք նորից կարող է պատերազմի առաջ կանգնենք. Նայեք իրար աչքերի մեջ, թողեք ամբիցիաները. Սասուն Միքայելյան
Այս անորոշությունը, հարգելի պետական այրեր, պետք է կարողանանք մեր ժողովրդի միջից հանենք...
Վերին Շորժայի հատվածում իրենց զբաղեցրած դիրքում ադրբեջանցիները դրոշ են տեղադրել
Ադրբեջանի հարցերով փորձագետ Գառնիկ Դավթյանը ֆեյսբուքի իր էջում տեսանյութ էր տեղադրել, որում երեւում է, թե ինչպես են ադրբեջանցիներն տեղադրում իրենց դրոշը...
Ամենաշատ