Ադրբեջանում ԱՄՆ դեսպանությունը նախազգուշացրել է իր քաղաքացիներին եւ մյուս արտասահմանցիներին Բաքվում, այդ թվում՝ հյուրանոցներում ահաբեկչությունների սպառնալիքի մասին:
«Բաքվում ԱՄՆ դեսպանությունը վստահություն ներշնչող հաղորդումներ է ստացել Բաքվում ԱՄՆ քաղաքացիների եւ օտարերկրացիների դեմ ուղղված հնարավոր ահաբեկչական գործողությունների եւ առեւանգումների մասին»,- ասվում է դիվանագիտական առաքելության մամուլի հաղորդագրության մեջ:
Նշվում է, որ ահաբեկչությունները կարող են տեղի ունենալ JW Marriott Absheron հյուրանոցում եւ Բաքվի «այլ վայրերում»:
Դիվանագիտական առաքելությունը քաղաքացիներին խորհուրդ է տալիս զգոն լինել եւ խուսափել մարդկանց կուտակման վայրերից: