News
Լրահոս
News
Երեքշաբթի
Նոյեմբեր 24
USD
505.32
EUR
600.12
RUB
6.66
ME-USD
0.01
Տեսնել լրահոսը

Վենեսուելայի ազգային անվտանգության ծառայության աշխատակիցները (Sebin) շաբաթ երեկոյան սկսել են իսպանացի դիվանագետների եւ անվտանգության ուժերի ներկայացուցիչների տան խուղարկումն այն հաղորդագրությունների ֆոնին, որ վենեսուելացի ընդդիմադիր Լեոպոլդո Լոպեսը լքել է Իսպանիայի դեսպանատունը Կարակասում, որտեղ գտնվել է շուրջ 1.5 տարի, հաղորդում է Efe-ը՝ վկայակոչելով ականատեսներին:

Ավելի վաղ այն մասին, որ Լոպեսն այլեւս չի գտնվում դեսպանատանը, գրել էին միջազգային ԶԼՄ-ները: Ի սկզբանե հաղորդվել էր, որ Լոպեսն ուղեւորվել էր Կոլումբիա, սակայն ավելի ուշ ընդդիմադրի հայրը հայտնել էր Ֆրանս Պրեսս գործակալությանը, որ ուրբաթ նրա որդին հատել էր Կոլումբիայի սահմանն ու այժմ գտնվում է Իսպանիայում: Վենեսուելայի ընդդիմության առաջնորդ Խուան Գուայդոն, որն ինքնահռչակվել էր որպես պետության ժամանակավոր ղեկավար, հաստատել է, որ Լոպեսը հեռացել է երկրից, հաղորդում է ՌԻԱ Նովոստի-ն:

Լեոպոլդո Լոպեսը դատապարտվել էր շուրջ 14 տարվա ազատազրկման, երբ ճանաչվել էր 2014 թվականի զանգվածային բողոքի ցույցերի պատասխանատու, որի հետեւանքով զոհվել էր ավելի քան 40 մարդ: 2017 թվականից ի վեր նա գտնվում է տնային կալանքում: Ապրիլին Լոպեսն ազատվել էր Գուայդոյի կողմնակիցների ջանքերով: Լոպեսն ու Գուայդոն փորձել են ներքաշել բանակին կառավարության օրինական ներկայացուցիչ Նիկոլաս Մադուրոյի դեմ:

Մայիսի 2-ին Կարակասի բանակը չեղարկել էր Լոպեսի տնային կալանքն ու ներկայացրել նրան ձերբակալելու հրաման: Ընդդիմադիրը գտնվում էր Կարակասում Իսպանիայի դեսպանի նստավայրում: Նա չէր դիմել քաղաքական ապաստան ստանալու համար. Իսպանիայի օրենսդրության համաձայն՝ դա հնարավոր է անել միայն գտնվելով Իսպանիայի տարածքում: Իսպանիայի ԱԳՆ-ում հայտարարել են, որ Մադրիդը թույլ չի տվել, որ Լոպեսը զբաղվի քաղաքական գործունեությամբ դեսպանատանը գտնվելու ժամանակ: Վենեսուելայի իշխանությունները հայտարարել են, որ կդիմեն Իսպանիային ընդդիմադրին արտահանձնելու համար:

2019 թվականի հունվարի 21-ին Վենեսուելայում սկսվել են զանգվածային բողոքի ցույցեր ընդդեմ նախագահ Մադուրոյի վերջինիս երդմնակալությունից կարճ ժամանակ անց: Ընդդիմության կողմից վերահսկվող ազգային ասամբլեայի ղեկավարը՝ Գուայդոն ապօրինի ինքնահռչակվել է որպես պետության ժամանակավոր ղեկավար: ԱՄՆ գլխավորությամբ Արեւմուտքի մի շարք երկրներ հայտարարել են Գուայդոյին ճանաչելու մասին: Իր հերթին Մադուրոն անվանել է խորհրդարանի ղեկավարին ԱՄՆ-ի խամաճիկ: Ռուսաստանը, Չինաստանը, Թուրքիան եւ մի շարք այլ երկրների սատարել են Մադուրոյին՝ որպես լեգիտիմ նախագահի:

!
Այս նյութը հասանելի է նաև   Русский
Տպել
Ամենաշատ