Միացյալ Նահանգները պետք է շարունակի ճնշում գործադրել Ալիեւի եւ Էրդողանի վրա, որպեսզի այս պատերազմին: Այս մասին Twitter-ի իր միկրոբլոտում գրել է ԱՄՆ կոնգրեսական Ադամ Շիֆը։
«Երեկ ես խոսել եմ ՀՀ արտգործնախարար Զոհրաբ Մնացականյանի հետ Արցախում հրադադարի ապահովման ջանքերի, ինչպես նաեւ Ադրբեջանի ու Թուրքիայի շարունակական մահաբեր ագրեսիայի մասին: Միացյալ Նահանգները պետք է շարունակի ճնշում գործադրել Ալիեւի եւ Էրդողանի վրա, որպեսզի վերջ դնի այս պատերազմին»,- գրել է կոնգրեսականը։
Ավելի վաղ NEWS.am-ը հայտնել էր, որ նախօրեին ԱՄՆ-Հայաստան-Ադրբեջան համատեղ հայտարարություն է տարածվել, որտեղ նշվում է, որ հումանիտար հրադադար է հաստատվում, որն ուժի մեջ կմտնի 2020թ. հոկտեմբերի 26-ին, տեղական ժամանակով՝ 08:00-ին:
Արդեն այսօր առավոտյան ՊՆ խոսնակ Շուշան Ստեփանյանը հայտնել էր, որ կոպտորեն խախտելով ԱՄՆ-ում ձեռք բերված հումանիտար հրադադարի մասին պայմանավորվածությունը, ադրբեջանական կողմը ժամը 8:45-ի սահմաններում հրետանային կրակ է վարել Արցախի հյուսիսարեւելյան մարտական դիրքերի ուղղությամբ:
Ավելի ուշ նշել էր, որ հրադադարի հերթական խախտռումը գրանցվել է ժամը 09.10-ին, երբ հակառակորդը թիրախավորել է հարավարեւելյան ուղղությամբ դիրքերը` արձակելով հինգ հրետանային արկ:
Yesterday, I spoke with Armenia’s foreign minister, @ZMnatsakanyan, about the efforts to secure a ceasefire in Artsakh, and Azerbaijan and Turkey’s continued deadly aggression.
— Adam Schiff (@RepAdamSchiff) October 25, 2020
The United States must keep up the pressure on Aliyev and Erdogan to end this war.
