News
Լրահոս
News
Շաբաթ
Դեկտեմբեր 05
USD
511.25
EUR
622.14
RUB
6.88
ME-USD
0.01
Տեսնել լրահոսը

Լեռնային Ղարաբաղում զինված դիմակայությունը չի հանդարտվում արդեն մեկ ամիս: Այդ ֆոնին ձեռնարկվում են փորձեր բանակցային գործընթացին վերադառնալու համար, սակայն դժվար է դրանք արդյունավետ անվանելը, գրում է «Կոմերսանտ»-ը:

Լեռնային Ղարաբաղի հակամարտության ողջ պատմության ընթացքում Ռուսաստանն ու Արեւմուտքն այդ կետում որպես հակառակորդներ հանդես չեն եկել եւ հանդես չեն գալիս: Դժվար է այդ իրավիճակում պատկերացնել Դոնալդ Թրամփի, Էմանուել Մակրոնի եւ Վլադիմիր Պուտինի համատեղ հայտարարությունը, ինչպես նաեւ Մոսկվայում կնքված հրադադարի մասին համաձայնագրին հետեւելու պահանջով Երեւանին եւ Բաքվին ուղղված ԱՄՆ պետքարտուղար Մայք Պոմպեոյի կոչերը: Կամ էլ Վաշինգտոնում Հայաստանի եւ Ադրբեջանի ԱԳՆ ղեկավարների բանակցությունների նախաշեմին Վլադիմիր Պուտինի հույսերն այն մասին, որ ԱՄՆ-ն կգործի Ռուսաստանին համահունչ:

Թվում էր, թե ղարաբաղյան հարցում թուրքական միջամտությունն ու ԵԱՀԿ ՄԽ-ում «մեծ եռյակի» քաղաքական մենաշնորհը խախտելու Անկարայի ձգտումը պետք է էլ ավելի մոտեցնեին Վաշինգտոնի, Փարիզի եւ Մոսկվայի  դիրքորոշումները: Սակայն կան կարեւոր նյուանսներ, որոնք այդ առաջին հայացքից կատարյալ սխեմային թույլ չեն տալիս գործել:

Առաջին հերթին, խաղաղությանն ուղղված ցանկացած փորձ հաջող կլինի, եթե հակամարտող կողմերը շահագրգիռ լինեն փոխադարձ զիջումներ փնտրելու մեջ: Սակայն դա չենք տեսնում ո՛չ Բաքվի, ո՛չ Երեւանի կողմից: Ռազմական դիմակայությունը կարող է մերձեցնել նույնիսկ ամենադաժան հակառակորդներին, սակայն փոխզիջումների գաղափարն անխուսափելիորեն հասարակական պառակտում կառաջացնի եւ՛ Ադրբեջանում, եւ՛ Հայաստանում:

Երկրորդ հերթին, որքան էլ կարեւոր լինի ղարաբաղյան սյուժեն «մեծ եռյակի» համար, համաշխարհային տերությունները չեն կարող սահմանափակել միջազգային օրակարգը միայն նրանց համար: Միեւնույն ժամանակ, ԼՂ հարցում ԱՄՆ-ն, Ֆրանսիան եւ Ռուսաստանը շատ տարաձայնություններ ունեն, քան ընդհանուր շփման կետեր: Եվ, իհարկե, դա չի կարող ավելացնել վստահությունն ու միասին աշխատելու ձգտումը:

Երրորդ հերթին, ինչ պահանջներ էլ Թուրքիան ունենա Վաշինգտոնից, Փարիզից ու Մոսկվայից, նրա նկատմամբ «մեծ եռյակի» հույսերը չեն համընկնում: Եթե Մոսկվան հույս ունի թուրքական գործոնի միջոցով թուլացնել հյուսիսատլանտյան դաշինքը, ապա Վաշինգտոնը, հակառակը, չէր ցանկանա թույլ տալ պառակտում ՆԱՏՕ-ի ներսում:

Այդ գործոնները՝ միասին կամ առանձին-առանձին, դժվարացնում են խաղաղ որոշում գտնելու ուղիները: Հատկապես իրավիճակում, երբ ստատուս քվոն, որը գործում է Ղարաբաղում 1994 թվականի մայիսից, խախտվել է: Եվ մեծ է գայթակղությունը, մի կողմից, ամապնդելու այդ վիճակը, մյուս կողմից՝ թույլ չտալու ծայրահեղ փոփոխություններ՝ նախքան բանակցային սեղանի շուրջ նստելը:

Այնուամենայնիվ, նման հանգամանքների դեպքում քաղաքական-դիվանագիտական էսկապիզմն անհնար է: Ավելին, խաղաղ նախաձեռնությունները չեն կարող ոչ մի րոպե դադարել: Միայն գիտակցությամբ, որ արագ առաջընթաց չի լինի, իսկ հակամարտող կողմերը պետք է ապավինեն ոչ թե հրաշքի, այլ սեփական պատասխանատվությանն ու հասունությանը:    

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Պատերազմը պարտվեցինք անպատրաստության եւ անկազմակերպվածության պատճառով. Ռազմարդյունաբերության կոմիտեի նախկին նախագահ
Մենք պատերազմը հաղթելու հնարավորություն չունեինք. մենք բավարար համալրված չենք եղել 2020 թվականի պատերազմի համար, բավարար…
Գերմանիայում կոչ են արել Մինսկի խմբին ներգրավել ղարաբաղյան հակամարտության կարգավորման գործընթացին
Համոզված ենք, եւ այդ մասին հստակ հասկացրել ենք Մոսկվային, որ Մինսկի խումբը պետք է ներգրավվի այս հակամարտության քաղաքական կարգավորմանը...
Հայկական եւ ադրբեջանական կողմերը գերիների ցուցակները փոխանցել են «Կարմիր խաչ»-ին
Այժմ ընթանում է ցուցակների ճշտման գործընթացը…
Թուրքական հետախուզությունը հրամայել է ահաբեկիչներին շարժվել դեպի Ադրբեջանին միացված Ղարաբաղի տարածքի խորքը
Տարածաշրջանում նոր բախումների դեպքում սեփական մարդկանց ունենալու ցանկության հետ միասին թուրքական հետախուզությունը նախատեսում է նաեւ բնակեցնել նոյեմբերի 10-ի պայմանագրով հայ բնակչության կողմից լքված տարածքները...
Խաղաղ համակեցության շանս չունենք. մարզվեք, կրթվեք, շատ երեխա ունեցեք ու պատրաստվեք հաջորդ փուլին. Էլիբեգովա
Կափարիչը թռել ա, պանդորայի արկղը բացվել ա եւ այդ հայատյացությունը այսուհետ ստացել ա լեգիտիմ իրավունք արտահայտվելու…
«Դիվանագիտությունը սիրում է լռություն». ԱԳ նախարարը ընթերցեց իր հայտարարության տեքստը, իսկ հարցերին չպատասխանեց
Ինչպես եւ մեր զինվորները, քույրերն ու եղբայրները Արցախում, հայ դիվանագիտությունը եղել եւ շարունակում է մնալ հայրենիքի պաշտպանության առաջատար դիրքերում...
Ամենաշատ