Անկախ Պետությունների Համագործակցության երկրների կառավարությունների ղեկավարների խորհրդի հերթական նիստը համաճարակային բարդ իրավիճակի պատճառով տեղի կունենա նոյեմբերի 6-ին հեռավար ձեւաչափով: Այս մասին երեքշաբթի հաղորդել է ԲելՏԱ գործակալությունը` Համագործակցության կանոնադրական եւ այլ մարմիններին կից ԱՊՀ պետությունների մշտական ներկայացուցիչների խորհրդի նիստից հետո, որը տեղի է ունեցել կազմակերպության Գործադիր կոմիտեում Մինսկում:
«ԱՊՀ երկրների կառավարությունների ղեկավարների խորհրդի նիստը տեղի կունենա նոյեմբերի 6-ին հեռավար ձեւաչափով, ինչը պայմանավորված է համաճարակային իրավիճակով Համագործակցության երկրներում: Հանդիպմանը կքննարկվի ԱՊՀ երկրների տնտեսական զարգացման ռազմավարության առաջին փուլի (2021-2025թթ.) իրականացման գործողությունների ծրագիրը մինչեւ 2030 թվականն ընկած ժամանակահատվածում»,- հայտարարել է Համագործակցության կանոնադրական եւ այլ մարմիններում Ուզբեկստանի մշտական ներկայացուցիչ, Բելառուսում Ուզբեկստանի դեսպան Նասիրջանա Յուսուպովան:
Ավելի վաղ նախատեսվում էր, որ հանդիպումը տեղի կունենա Տաշքենդում, քանի որ այս տարի նախագահող երկիրն Ուզբեկստանն է:
