News
Լրահոս
News
Կիրակի
Նոյեմբեր 29
USD
508.21
EUR
605.94
RUB
6.7
ME-USD
0.01
Տեսնել լրահոսը

Ազգային օրակարգ կուսակցության համահիմնադիր Ավետիք Չալաբյանն ընդունում է որ ՀՀ վարչապետի կառավարումը ճգնաժամի մեջ է: Այսպիսի հայտարարություն է արել քաղաքական գործիչը՝ անդրադառնալով Վազգեն  Մանուկյանի կոչին:

«Դեռ 2018-ի ընտրություններին Նիկոլ Փաշինյանը բացարձակ այլ մանդատով է եկել իշխանության, նրա քաղաքական մանդատը, ըստ էության, եղել է կոռուպցիայի դեմ պայքարը,  նա չի եկել պատերազմական գործողություններ ղեկավարելու, նա չունի պատերազմական գործողությունների փորձ, ավելին, նա նույնիսկ բանակում չի ծառայել, նրա ռազմական գիտելիքները, իմ կարծիքով, ձգտում են զրոյի: Հետևաբար, ակնհայտ է, որ այս պայմաններում, երբ մենք՝ մեր  միասնական հայկական հայրենիքով հանդերձ, բախվել ենք աննախադեպ ռազմակամն ագրեսիայի ու դա իրականացվում է մի քանի երկրների համատեղ ռազմական ներուժով,  ինձ համար այլևս որևէ կասկած չի հարուցում, որ Փաշինյանը ընդունակ չէ իրականացնել երկրի ռազմաքաղաքական ղեկավարում»,- Yerevan.Today-ին ասել է ընդդիմադիր գործիչը:

Ավետիք Չալաբյանը  նկատում է, որ մոբիլիզացիոն օպերատիվ շտաբը ձևավորելու 16 ուժերի  հայտը 11 օր է՝ մնում է անարձագանք:

«Ընդիմադիր 16 կուսակցություն 11 օր առաջ հանդես եկանք  միասնական հայտարարությամբ՝ կոչ անելով կառավարությանը՝ ստեղծել ռազմական օպերատիվ շտաբ և աշխատանքներում ներգրավել պետական գործիչներին, որոնք ռազմական գործողությունների կառավարման մեծ փորձ ունեն: Եվ ես կարծում են որ այդ կոչը բացարձակ տեղին էր՝ այդ ժամանակի համար, բայց գործող կառավարությունն իրեն հատուկ ոճի մեջ արհամարհեց իրեն մեկնված ձեռքը, ու եթե այդ առաջարկությունն արվեց 11 օր առաջ, ուրեմն հիմա շտաբի ձևավորումը դառնում է բացարձակ հրատապ։

Երկրի կառավարման համակարգը պետք է կտրուկ և շատ հրատապ ստեղծել ռազմաքաղաքական շտաբ, որը ոչ միայն ռազմական գործողությունները կկառավարի, այլև իր ձեռքը կվերցնի ողջ ոլորտների մոբիլիզացիոն աշխատանքը՝ մարդկային ռեսուրսներից մինչև նյութական,  արտադրական ռեսուրսների կառավարում: Սրանք բոլորն այս պահին գտնվում են, մեղմ ասած, ոչ բավարար վիճակում, մենք պետք է կտրուկ բարձրացնենք մոբիլիզացիոն աշխատանքների որակը և ֆունդամենտալ փոխենք մեր դաշնակից և բարեկամ պետությունների հետ հարաբերությունների քաղաքականությունը ու պետք է ստանանք նրանց ուժային շոշափելի աջակցությունը՝ մեր երկրի դեմ ուղղված ագրեսիան կանգնեցնելու և թշնամուն հետ շպրտելու համար»:

Հիշեցնենք՝ ՀՀ նախկին վարչապետ Վազգեն Մանուկյանն ասօր երկու պահանջ էր ներկայացրել, որին արդեն միացել են մի քանի տասնյակ քաղաքական  ու հասարակական գործիչներ․

«Այս կառավարությունը պետք է հրաժարական տա՝ բանակին հանձնելով ողջ իշխանությունը, ընդ որում՝ դա պետք է անի կամավոր, առանց ցնցումների, որոնք կարող են կործանարար լինել։
Բանակը, իր ձեռքը վերցնելով ողջ իշխանությունը, պետք է կազմի միասնական Պաշտպանության կոմիտե Արցախի հետ միասին՝ կազմակերպելով պատերազմական ներկա իրավիճակին անհրաժեշտ միջոցառումները, ապահովելով վստահություն և գնալով բանակցությունների շահագրգիռ պետությունների, միջազգային կառույցների հետ։ Սա միակ փրկությունն է։ Հակառակ դեպքում մենք կարող ենք կորցնել ամեն ինչ»։

Տպել
Կարդացեք նաև
Ամբողջը
Փաստորեն Շուշին գնաց, Նիկոլը մնաց, այդպես չի լինում. Միքայել Մելքումյան
Կգային մարդիկ, որոնք կարող էին ունենալ ազդեցություն…
Բացարձակ անթույլատրելի են սոցիալական ցանցերում վիրավորական գնահատականները Արցախի մեր հայրենակիցների մասին․ ՄԻՊ
Մեր ուսումնասիրությունը ցույց է տալիս, որ թույլ են տրվում խտրական․․․
ՀՔԾ պետ Խաչատրյանը կպատմի, թե ինչպես էր Փաշինյանը ստիպել իրեն նպաստել բանակի թուլացմանը․ Էլինար Վարդանյան
Լավ պատկերացնում ենք նաև, թե ինչպիսի հատուկ ծառայությունների մատուցման համար է նա արժանացել այդ պատվին․․․
Միքայել Մինասյանը հրապարակել է հոկտեմբերին Նիկոլ Փաշինյանին առաջարկված փաստաթղթի աշխատանքային տարբերակի լուսանկարը
Այս փաստաթղթում հատուկ կետ կա գերիների և ռազմի դաշտում զոհվածների մասին․․․
Դու մաշել ես մեզ, սպանել ես այդքան մարդ քո իշխանության համար. Արփինե Հովհաննիսյանը` Փաշինյանին
Անբարոյականության պատմական նշաձողը այսուհետ միշտ ու ամենուր կպատկանի փաշինյանին…
Մտավորականների միաբանության երթը մեկնարկեց. նրանք նամակ կհանձնեն ՌԴ դեսպանին. Ուղիղ
Նա հորդորոեց չքաղաքականանցնել իրենց ակցիան, ինչպես ըստ նրա արվել է նախօրեին՝ հանրահավաքից…