News
Լրահոս
News
Երեքշաբթի
Մայիս 18
USD
521.91
EUR
634.43
RUB
7.06
ME-USD
0
Տեսնել լրահոսը

Հայաստանի արհմիությունները դիմել են միջազգային արհմիութենական համայնքին: Տարածված հայտարարության մեջ մասնավորապես նշվում է.

«Խախտելով միջազգային իրավունքը, Ադրբեջանի զինված ուժերը, արգելված զենքի տեսակների կիրառմամբ, նպատակային կերպով գրոհում են քաղաքացիական օբյեկտները` դպրոցներ, հիվանդանոցներ, մանկապարտեզներ, հուշարձաններ եւ մշակութային հաստատություններ, տաճարներ. զոհվում են ծերեր, կանայք եւ երեխաներ: Ավելի քան 90 հազար մարդ փախստական ​​է դարձել, 24 հազար երեխա կորցրել է կրթություն ստանալու իր իրավունքը: Մենք պատերազմական հանցագործությունների ենք ականատես դարձել, երբ խաղաղ բնակիչները պարզապես գնդակահարվում են, հարձակվողների թիրախն են դառնում նաեւ բժիշկներն եւ լրագրողները:

Այսօր ոչ միայն Արցախն ու Հայաստանը, այլեւ ամբողջ տարածաշրջանն է մարդասիրական աղետի եզրին: Թուրքիան, որը հարյուր տարի առաջ անպատժելի կերպով իրականացրեց Հայոց ցեղասպանությունը նրանց պատմական հայրենիքում, հայտարարում է հայ ժողովրդին ոչնչացնելու իր մտադրության մասին:

Հայ հասարակությունը, ինչպես երբեք, համախմբվել է ագրեսորների դեմ պայքարի համար: Հայաստանի արհմիություններն անմասնակից չեն մնացել` իրենց ջանքերն ու ռեսուրսներն ուղղելով անօթեւան մնացած Արցախի բնակիչներին, արհմիությունների վիրավոր եւ զոհված անդամների ընտանիքներին օգնություն ցուցաբերելուն:

Այս օրերին շատ միջազգային կազմակերպությունները, պետությունների ղեկավարները, ինչպես նաեւ միջազգային արհմիությունները, չեզոքություն պահպանելով, դիմում են պատերազմող կողմերին` կոչ անելով հրադադար հաստատել եւ հակամարտության խաղաղ կարգավորմանն անցնել: Բայց այս պատերազմում կողմերը հավասար չեն, պաշտպանվող կողմը չի կարող դադարել պաշտպանվել, քանի դեռ թշնամին` ի դեմս Ադրբեջանի, Թուրքիայի եւ վարձու զինյալների, շարունակում է գրոհել:

Այն ամենը, ինչ տեղի է ունենում Արցախում, մեկ անգամ եւս ապացուցում է, որ Արցախի ժողովրդի անվտանգության միակ երկարաժամկետ երաշխիքը Հանրապետության անկախության ճանաչումն է: Ադրբեջանի կազմում նրան տրված ցանկացած կարգավիճակ կսպառնա Արցախի ժողովրդի կյանքին եւ անվտանգությանը, դա բազմիցս հաստատվել է պատմության ընթացքում:

Մենք դիմում ենք բոլոր արհմիություններին: Մեր առաքելությունն է միշտ պաշտպանել մարդու իրավունքները եւ պայքարել հանուն արդարության: Մի լռեք, դիմեք ձեր կառավարություններին: Ժողովրդի ինքնորոշման իրավունքը պետք է ճանաչվի միջազգային հանրության կողմից` հանուն այնտեղ ապրող մարդկանց փրկության»:

 

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
ՌԴ եւ ՀՀ պաշտպանության նախարարները քննարկել են երկկողմ համագործակցությունը եւ իրավիճակը Ղարաբաղում
Սերգեյ Շոյգուն հեռախոսով բանակցություններ է վարել ՀՀ պաշտպանության նախարար Վաղարշակ Հարությունյանի հետ...
Փաշինյանը հեռախոսազրույց է ունեցել Բելառուսի նախագահի հետ. Լուկաշենկոն պատրաստակամություն է հայտնել ջանքեր գործադրել
ՀՀ վարչապետի պաշտոնակատար Նիկոլ Փաշինյանը հեռախոսազրույց է ունեցել Հավաքական անվտանգության պայմանագրի կազմակերպության...
Հենց ՀՀ խորհրդարանն ազատ արձակվեց, հաջորդ օրը ադրբեջանցիները մտան մեր տարածք. Արտակ Թովմասյանի ուղերձը
Դեռեւս 10 օր առաջ մտածում էին՝ գնալ ընտրությունների, թե ոչ, որոշում էինք դիմել մեր ընտրողներին, մտածում էինք, որ մեր ասած խոսքը տեղ կհասնի, եւ դրա…
Սպասում ենք վաղվան, որ գան, սահմանային ճշգրտումներ անեն. Կութի գյուղապետ
Մեզ պաշտոնապես ոչինչ չի ասվել, լսել ենք, որ վաղը այն նույն հանձնաժողովը, որը Սյունիքում է եղել...
«Մենք կողմ չենք նոր պատերազմի, բայց մեզ անհրաժեշտ է արժանապատիվ խաղաղություն». Մելքումյանը՝ Վոլոդինին
Պարոն Լ. Կալաշնիկովը խոստացավ ակտիվ միջամտել այդ հարցերի լուծմանը…
Լավրով. Հայ-ադրբեջանական սահմանին տիրող իրավիճակի շուրջ հույզեր ուռճացնելու որեւէ պատճառ չկա
Ռուսաստանը պատրաստ է աջակցություն ցուցաբերել Հայաստանին եւ Ադրբեջանին՝ սահմանների սահմանազատման հարցում․․․
Ամենաշատ