Facebook-ի, Twitter-ի եւ Google-ի ղեկավարներ Մարկ Ցուկերբերգը, Ջեք Դորսին եւ Սունդար Պիչային ելույթ կունենան Սենատում, որտեղ կպաշտպանեն ինտերնետ ընկերությունների մասին օրենքը:
Վերջիններս կպատմեն օրենսդիրներին այն մասին, թե ինչպես են հետեւում եւ մոդերացնում համացանցում քաղաքական կոնտենտը:
Ակնկալվում է, որ նրանք կհայտարարեն, որ հաղորդակցություններում պատշաճության մասին օրենքի 230-րդ կետը, որը պաշտպանում է ընկերությունները օգտատերերի կողմից հրապարակված կոնտենտի համար պատասխանատվությունից, որոշիչ նշանակություն ունի համացանցում խոսքի ազատության համար, գրում է Reuters-ը:
Դորսին զգուշացրել է կոմիտեին, որ այդ կետը կարող է զգալիորեն վնասել համացանցում մարդկանց շփումը: Ցուկերբերգը, ով, հավանաբար, կասի, որ աջակցում է օրենքի փոփոխություններին, եւս զգուշացրել է, որ տեխնիկական հարթակները գրաքննության կենթարկվեն, եթե այդ կետը չեղարկվի:
