Միացյալ ազգերի կազմակերպությունը ափսոսանք է հայտնել ղարաբաղյան հակամարտության գոտում ռազմական գործողությունները շարունակելու կապակցությամբ, հայտնում է AP-ը:
«Մենք շարունակում ենք մեր անհանգստությունն ու բացահայտ հիասթափությունը արտահայտել շարունակական ռազմական գործողությունների մասին հաղորդագրությունների կապակցությամբ»,- ասել է ՄԱԿ-ի պաշտոնական ներկայացուցիչ Սթեֆան Դյուժարիկը: «Երեք անգամ կողմերը համաձայնել են հումանիտար հրադադարի հաստատմանը: Անհրաժեշտ է, որ նրանք իսկապես կատարեն իրենց ստանձնած պարտավորությունները: Մեզ անհապաղ հրադադար է անհրաժեշտ` մարդասիրական օգնության առաքումն ապահովելու համար»:
Դյուժարիկը մեջբերել է ՄԱԿ-ի վերջին տվյալները, որոնք ցույց են տալիս, որ COVID-19-ի դեպքերը կտրուկ աճել են ինչպես Հայաստանում, այնպես էլ Ադրբեջանում, ինչպես նաեւ հիշեցրել է գլոբալ հրադադարի մասին գլխավոր քարտուղար Անտոնիո Գուտերեշի կոչը: «Սա վառ օրինակ է այն բանի, թե ինչպես են մարդիկ շարունակում սպանել այլ մարդկանց, մինչդեռ վիրուսը հաղթում է»,- ասել է նա:
