Ռուսաստանում անցած մեկ օրում հայտնաբերվել է ռեկորդային թվով COVID-19-ով հիվանդության դեպք՝ 17 717, հայտնել են կորոնավիրուսի դեմ պայքարի օպերատիվ շտաբից։
Դրանցից 4 691-ը՝ 26,5 տոկոսը, ակտիվ է շփված անձանց շրջանում՝ առանց հիվանդության կլինիկական դրսեւորումների։
COVID-19-ի առավել մեծ թվով նոր դեպքեր են հայտնաբերվել Մոսկվայում՝ 4 906, Սանկտ Պետերբուրգում՝ 758 եւ Մերձմոսկվայում՝ 514։
Այսպիսով՝ համավարակի ամբողջ ժամանակահատվածում երկրում հայտնաբերվել է կորոնավիրուսով հիվանդացած 1 581 693 մարդ։
Մեկ օրում գրանցվել է մահվան 366 դեպք։ Ամբողջ ժամանակահատվածում Ռուսաստանում կորոնավիրուսի հետեւանքով մահացել է 27 301 մարդ։
Մեկ օրում դուրս է գրվել ապաքինված 14 740 մարդ։ ՌԴ-ում ամբողջ ժամանակահատվածում ապաքինվել է 1 186 041 մարդ։
Համավարակի սկզբից աշխարհում գրանցվել է ընդհանուր ավելի քան 44 մլն հիվանդ, 1,1 մլն-ից ավելի պացիենտ մահացել է։ ՌԴ-ն աշխարհում առաջին երկիրն է, որը գրանցել է COVID-19-ի դեմ պատվաստանյութը։ Դեղամիջոցը մշակվել է Գամալեի անվան համաճարակաբանության եւ մանրէաբանության գիտահետազոտական կենտրոնում՝ Ուղղակի ներդրումների ռուսական հիմնադրամի հետ համատեղ։ Այն անվանել են «Սպուտնիկ V»։ Ավելի ուշ «Վեկտոր» նովոսիբիրսկյան կենտրոնը գրանցել է կորոնավիրուսի դեմ երկրորդ ռուսական պատվաստանյութը՝ «ԷպիՎակԿորոնան»։