Ես ուզում եմ կոչ անել մեր հայրենակիցներին, ովքեր այժմ գտնվում են արտերկրում, զգոն եւ զգույշ լինել եւ չտրվել ադրբեջանա-թուրքական սադրանքներին: Այդ մասին հոկտեմբերի 29-ին Հայաստանի Ազգային ժողովում ավանդական ճեպազրույցների ժամանակ հայտարարեց «Լուսավոր Հայաստան» կուսակցության ղեկավար, դրա խորհրդարանական խմբակցության նախագահ Էդմոն Մարուքյանը:
Նախօրեին, ըստ պատգամավորի, Ֆրանսիայում ողբերգական դեպք տեղի ունեցավ: Այնտեղ հայ ցուցարարները հարձակման ենթարկվեցին:
«Ապա ուշ երեկոյան Ֆրանսիայի երեք-չորս խոշոր քաղաքներում թուրքերը դուրս էին եկել փողոց եւ բացականչում էին.« Ո՞ւր եք, հայեր»: Այսինքն` դա կարող է բախումների հանգեցնել, նույնիսկ` այն վայրերում, որտեղ մարդիկ հանգիստ եւ խաղաղ ապրում են»,- նշեց Մարուքյանը` հավելելով, որ հակամարտությունը ոչ մի դեպքում չպետք է մարտական գոտուց տեղափոխվի այլ երկրներ:
Նա իր հայրենակիցներին կոչ արեց ձեռնպահ մնալ այնպիսի գործողություններից, որոնք կարող են բախումների հանգեցնել ինչպես Ռուսաստանի տարածքում, այնպես էլ ԵՄ տարածքում եւ ցանկացած այլ երկրում:
